User talk:Xwhitec

Xwhitec哈佬！食咗飯未？歡迎加入粵文維基百科！ 🙂

• 維基百科鼓勵勇於修改，所以放膽寫！「維基百科五大支柱」係百科、中立、內容自由、行為規範、冇死板嘅規則。
• 寫文嗰陣，想像自己用廣東話講正經嘢嗰時會點講，然後將你把口講嘅嘢寫低，「粵文」係將粵語直接寫低嘅文字。
• 如果有啲粵語當中嘅字你識講唔識寫嘅話，可以去呢度問，甚至可以索性寫拼音。
• 如果閣下覺得未有信心親自寫文，可以去參考吓粵維啲正文同好文。
• 維基百科唔鼓勵搞破壞，如果搞破壞，就會俾人封鎖。

• 順便提提，响討論版發言之後，記得打四隻（半形）波浪紋嚟簽名，即係噉~~~~。
• 有乜嘢問題，可以去我塊討論版問我，亦可以嚟呢度搵答案。有嘢講？請去Wikipedia:新維基友留言。

• 我哋發展緊翻譯外文專有名詞嘅一套指引《Wikipedia:翻譯》，你可以參考同埋俾意見。希望你鍾意嚟呢度寫嘢。
• 得閒嘅多啲嚟嘆杯茶，同粵維友一齊車天車地！

• Welcome to Cantonese Wikipedia. If you cannot understand Cantonese, you can write to our Ambassador. Enjoy yourself.

我係歡迎你嘅維基人：Shinjiman ⇔ ♨ 2023年12月19號 (二) 07:05 (UTC) Shinjiman ⇔ ♨ 2023年12月19號 (二) 07:05 (UTC)

Ruby粵拼

你好，之前見到你一啲粵拼加入Ruby度，喺呢度有兩種模可以用，一個係{{Ruby-yue}}，而另一個係{{Ruby-粵拼}}；喺標音之上，唔需要特登上標後面嘅數字，有需要做上標或者改顏色嘅話，喺自己嘅CSS入面做修改就可以去用（可以睇吓我嗰邉嘅CSS去做參考）。有關嘅討論可以睇呢度。 Shinjiman ⇔ ♨ 2023年12月19號 (二) 07:05 (UTC)

明白，唔該晒！ Xwhitec (傾偈) 2023年12月19號 (二) 12:49 (UTC)

Régie autonome des transports parisiens

你好，我睇到喺恩華詩站你跟中維譯咗 ｢Régie autonome des transports parisiens｣ 做 ｢巴黎大眾運輸公司｣。有冇諗過譯過個新名？我喺網上求其搵過，香港似乎從來冇譯過呢個名。

｢Régie｣ 喺加拿大都有用，冇記錯嘅話粵語通常係譯 ｢局｣、｢管理局｣ 之類；如果假定 ｢transports｣ 譯 ｢公共交通｣，唔理 ｢autonome｣（應該係指間嘢獨立運作，唔係政府部門），譯出嚟應該係大概 ｢巴黎公共交通管理局｣ 之類。 Alıƨsi (傾偈) 2025年5月13號 (二) 21:01 (UTC)

好啊。我而家寫緊3號綫嘅文，寫完就改:)

Xwhitec (傾偈) 2025年5月14號 (三) 01:28 (UTC)

英法譯音表

我睇過張表幾次，用過一次，好似唔覺有寫 /o/ 音（法文用），係咪漏咗，定我睇漏？ Alıƨsi (傾偈) 2025年5月25號 (日) 02:27 (UTC)

唔記得咗寫，不過應該係同/ɔ/列併埋一齊。講真嚟緊我真係要將個表擴展到成個國際音標，不過懶得滯(-‿-")

Xwhitec (傾偈) 2025年5月25號 (日) 03:32 (UTC)

法文 /o/ 音其實比較接近英文 /ɔʊ/ 音 / 粵拼 ou 音，定係你有其他理由？ Alıƨsi (傾偈) 2025年5月25號 (日) 04:10 (UTC)

係咩？聽唔出喎。我覺得單元音都係譯做單元音好啲。

Xwhitec (傾偈) 2025年5月27號 (二) 13:50 (UTC)

又有問題：有冇特別理由 ŋ- 同 n- 會一樣？係咪只係因為易揀字，定係現有譯名有咁嘅情形，定係第啲原因？

原因係我嘗試來嚟處理一啲加拿大地名（實例喺氣候表），北便地名 ŋ– 起音好常見，直覺呢個係粵語有嘅音，照計唔使當 n- 處理（唔係挑剔，算係實測、beta test 緊）。

另外：我可能再試一兩個地名，如果冇大問題，我打算整個模組自動處理，再睇下點。我暫時當 -x 係 -k 處理， -x 喺北面嘅地名極之常見；粵語 -k 音係 unreleased，基本上粵化嘅 -x 同 -k 唔會有分別。 Alıƨsi (傾偈) 2025年6月6號 (五) 05:26 (UTC)

/ŋ-/同/n-/唔一樣啊。/ŋ-/我未寫入個表度，不過我今日遲啲得閒可以寫入去

（ps /x-/寫做/k-/我同意）

Xwhitec (傾偈) 2025年6月6號 (五) 10:34 (UTC)

• /-x/同/-k/ oops Xwhitec (傾偈) 2025年6月6號 (五) 10:35 (UTC)

寫入咗 :) Xwhitec (傾偈) 2025年6月7號 (六) 03:09 (UTC)

@Xwhitec：啱啱留意到，張表寫 ｢士｣ 跟 1、2、3 音，｢詩｣ 跟 4、5、6 音，係咪唔覺意掉轉咗，定係真係咁？Alıƨsi (傾偈) 2025年8月7號 (四) 22:32 (UTC)

真係噉。例Kings>京士、Lance>蘭詩。噉樣我覺得好聽啲，亦更符合現有啲廣東話譯名。Xwhitec (傾偈) 2025年8月7號 (四) 23:40 (UTC)

唔係好明；京士我會讀第二聲，但係蘭詩我會讀第一聲，定係我有嘢理解錯咗？ Alıƨsi (傾偈) 2025年8月8號 (五) 00:29 (UTC)

係視乎士/詩之前嘅字。京讀一聲，所以用士；蘭讀四聲，所以用詩。Xwhitec (傾偈) 2025年8月8號 (五) 05:00 (UTC)