Wikipedia talk:唔同粵語地區用字習慣

建議長期保護呢版

接到通報，話User:Mantsin長期喺呢版加入唔合事實嘅內容，佢提咗兩次無人理，所以託我提出保護。睇咗下Mantsin嘅所爲，兩年以來確實好「關注」呢版內容，然而加嘅內容唔合事實——試問乜嘢叫做「大陸（古代廣州）」？古到幾時？我自己就係廣州人，「夾萬、巴士、的士、散紙/碎紙、頭班/尾班、雪櫃、電掣、熄燈/着燈」等等，至今仲用，何來之「古」？通報內容當中，佢指舉Mantsin嘅背景，呢啲證實唔到，無謂生事傷人，但從所作所爲睇，確實如User:Longway22所講，以短期情況老作分化粵社區各地，係賤人行爲。喺未有理據封人嘅情況下，唯有管理員錔起呢版，希望User:William915、User:Shinjiman、User:SC96關注下呢個問題。--S7w4j9 (傾偈) 2016年2月19號 (五) 06:35 (UTC)

已經鎖咗半年，有乜嘢爭拗請開新節討論。SC96 (傾偈) 2016年2月19號 (五) 13:29 (UTC)

奇怪，好多南洋嘅栏目都被删除咗。 Xyes (傾偈) 2023年1月5號 (四) 09:51 (UTC)

解釋

第54句唔啱，13歲唔算係小童。À la 雞 (傾偈) 2016年2月19號 (五) 17:31 (UTC)

你睇真啲，呢個係參攷來源嘅引用啊，唔係註釋。--S7w4j9 (傾偈) 2016年2月20號 (六) 06:21 (UTC)

“恨D ”一词响山打根多用于表示“或者”，但同时亦可表示“系咪”或者“会唔会”，唔确定其它地方有冇同样用法或者同义词。如有加注或更改，请帮手解释。Xyes (傾偈) 2024年2月1號 (四) 04:58 (UTC)

廣州詞彙

我想講，呢個表2018年2月21號嘅版本，廣州用語，同我呢個廣州人講嘅好唔同咯。佢啲講法係有，但係好多只列喺香港嘅用法，我接觸到嘅人都係會講咯。我自己係90年代出世嘅，父母同埋佢地啲兄弟姐妹係60年代到70年代出世嘅，全部廣州人，廣州城入邊長大。我將我肯定廣州本身一路都有講，唔係受香港影響先講嘅用語列晒喺度，加粗嗰啲係十分之常用，四圍都仲講緊嘅：斗零、戶頭、過數、找數、（水/坑）渠蓋、膠紙、（電）燈膽、花紅/分紅、打尖/兼隊。--Roy17 (傾偈) 2018年2月22號 (四) 01:06 (UTC)