中山大學孫逸仙紀念醫院

中山大學孫逸仙紀念醫院嘅正門

 中山大學孫逸仙紀念醫院（粵拼：zung1 saan1 daai6 hok6 syun1 jat6 sin1 gei2 nim6 ji1 jyun2） ，亦叫係中山大學附屬第二醫院zung1 saan1 daai6 hok6 fu6 suk6 dai6 ji6 ji1 jyun2）；簡稱中山二院（zung1 saan1 ji6 jyun2）；以前叫博濟醫院（bok3 zai3 ji1 jyun2），喺中國廣東省廣州市越秀區沿江西路107號。佢係中國第一間西醫嘅醫院。呢間醫院係由美國傳教士帕卡喺1835年開始辦嘅一間醫院，以前孫中山就喺呢度學過醫同搞過革命活動。呢間醫院同中山大學嘅其他附屬醫院一樣，都係俾人評咗三級甲等醫院。間醫院嘅舊大門上面啲字係由莫瑉府先生喺1985年11月嗰陣寫出嚟嘅。

佔地面積

呢間醫院嘅佔地面積：

• 總院：32,150平方米
• 南院區：7000平方米

史

眼科醫局時期

孫逸仙紀念醫院嘅博濟樓

《擬中山紀念博濟醫院全景圖》，嗰時新嘅醫院大樓係由黃玉瑜先生嚟負責設計。

私立嶺南大學孫逸仙博士醫學院

• 1830年：美國公理會就派咗裨治文嚟咗廣州。而過咗4年（1834年），又派咗傳教醫師帕卡嚟咗廣州，佢就同嗰時巨富伍秉鑑一齊捐咗100000両白銀，就喺1835年11月起咗間新豆欄醫局出嚟，嗰時係嗌「眼科醫局」嘅名。
• 1840年：由於鴉片戰爭爆發，眼科醫局閂咗門。
• 1842年11月：醫局重新開放，不過間醫院已經變成綜合性醫院。之後教會醫院都整咗專職或兼職嘅神甫牧師嚟搞佈道活動。
• 19世紀50年代：帕卡就將醫局畀咗莊嘉拿斯高嚟睺實。
• 1856年：醫局因為第二次鴉片戰爭就冧咗。1858年，莊嘉拿斯高喺南關嘅增沙嗰邊，租咗啲華人住宅嚟改成醫局，而間醫院喺1859年5月重新開放，重改咗名嗌「博濟醫院」。

博濟醫院時期

1938年，私立嶺南大學孫逸仙博士醫學院嘅前面，而家係博濟樓同埋孫逸仙博士開始學醫同革命運動策源地嘅紀念碑。

内文：博濟醫院

• 1886年：孫中山喺呢度學過醫同搞過革命活動。
• 1934年：私立夏葛醫學院同博濟醫學院合併咗。
• 1953年8月：由於中國高等院校嘅院系調整關係，間醫院改咗名嗌「華南醫學院附屬二院」。之後又同國立中山大學醫學院合併咗，個名用咗中山二路嘅國立中大校舍度搞教學。就係噉，華南醫學院凈係得返呢間。
• 1956年：由於華南醫學院嗰邊改咗名，所以醫院都改咗名嗌「廣州醫學院附屬二院」。
• 1957年3月，又改咗次名，嗌「中山醫學院」，而呢度係附屬第二醫院。
• 由於1985年6月嘅中山醫學院都改咗名嗌「中山醫科大學」嘅關係，所以喺1985年11月，間醫院都改咗名嗌「中山醫科大學孫逸仙紀念醫院」。
• 2001年10月26號，由於中山大學同中山醫科大學合併咗，所以醫院改咗名嗌「中山大學附屬第二醫院」。
• 喺2002年，由於間醫院要擴大服務範圍，所以間醫院喺廣州市海珠區盈豐路33號嗰邊起咗間中山大學附屬第二醫院南院。
• 2010年3月30號，醫院改咗名嗌「中山大學孫逸仙紀念醫院」。

入面嘅建築

• 博濟樓（嶺南醫學院）
• 中山樓
• 嶺南樓
• 仁濟堂（檢驗中心）
• 「孫逸仙博士開始學醫及革命運動策源地」紀念碑

出面網頁

• 中山大学孙逸仙纪念医院网站

23°6′43.76″N 113°15′3.14″E