博濟醫學堂

出自維基百科,自由嘅百科全書
Jump to navigation Jump to search
之前嘅私立嶺南大學孫逸仙博士醫學院,呢棟大樓前面停咗有部嗌「博濟醫院」嘅白車響度。
私立嶺南大學孫逸仙博士醫學院嘅前面(喺1938年影),而家係博濟樓同「孫逸仙博士開始學醫及革命運動策源地」紀念碑

博濟醫學堂粵拼bok3 zai3 ji1 hok6 tong4)係之前中國廣東廣州嘅一間教會醫學嘅專業學校,喺1866年由廣州博濟醫院負責創辦。佢係中國第一間以西醫為主嘅教育機構。而家佢係中山大學中山醫學院嘅一部分。

[編輯]

博濟醫院喺嘉莊辦咗10年(1845年)之後就發展成喺廣州入面,已經係好有規模,而且醫院設備、醫師力量同醫療水準方面都發展到爆燈咁滯。佢經過咗之前幾屆收啲未學過嘢嘅徒弟(尤其係1861年1863年)嚟培訓,已經發展到可以開得醫學班喇。到咗1865年嘅博濟醫院30周年慶典嗰陣,就成立咗博濟醫校。喺1868年,甚至重多到12位學生都有。

由於博濟醫校喺1879年按返真光女校嘅學生要求嚟接受2位女仔入學,而呢個係打破咗成間學校凈係收男仔嘅尷尬歷史同時,又係創低咗嗰時中國境內培訓女醫師嘅史無前例歷史。

博濟醫校喺1885年加咗講課同實習時間嚟充實教學嘅內容,但佢哋重係3年學制。而孫中山喺1886年秋天就讀過呢間學校,到咗第年就轉咗去香港華人西醫書院(而家係香港大學李嘉誠醫學院)度讀書。到咗1897年,學校就改成4年學制。

到咗1901年,博濟醫院就正式起成正規嘅醫校,重整咗獨立嘅校舍出嚟。而新嘅校舍喺1903年起好,嗰時係成個廣州入面比較新嘅大樓,嗰年重改咗名嗌「南華醫學堂」。嗰年重變咗中國歷史入面,第一間開辦嘅現代醫學院。

到咗1909年嘅春天,由於博濟醫學堂俾學生玩罷課嚟搞對抗,而嗰時嘅校長就搞一刀切,乾脆將罷課啲學生仔冚唪唥都炒走嗮。結果學生仔就因為噉先至搞到好甍噌,甚至一於唔撈喇,搞集體走佬而導致醫校停辦,雖然話喺1909年底話重新開過,但到咗1911年又唔好彩,因為間嘢冇嗮錢而導致停辦。

校友[編輯]

睇埋[編輯]

[編輯]