陳垣

陳垣
出世	1880年11月12號 廣東省新會
死	1971年6月21號 北京市
國籍	中國
職業	護法國會眾議院議員 中華民國教育部次長 京師圖書館館長 故宮博物院圖書館館長 中央研究院第一屆院士 中國科學院哲學社會科學部學部委員（院士） 全國人民代表大會常務委員會委員 輔仁大學校長 北京師範大學校長 中國科學院歷史研究所第二所所長

陳垣（1880年11月12號—1971年6月21號）係中國嘅歷史學家同教育家，喺廣東新會出世。做過輔仁大學、北京師範大學嘅校長。陳垣俾嚴耕望尊稱為「現代四大史學家」之一。

學人評價

• 舊陣時喺學界有一個講法叫「南北二陳」。南陳係指陳寅恪先生，北陳係指陳垣先生。陳寅恪先生畀陳垣先生嘅著作寫過三篇序言，呢三篇序言畀陳垣先生好高嘅評價。喺三聯書店出版嘅陳寅恪書信集入面可以睇到，陳寅恪用大師來稱呼現代學者嘅凈係陳垣先生一個人。陳寅恪話過：『平生最佩服嘅係王靜安（王國維）先生，其次係陳垣』，亦話：『蓋先生之精思博識，吾國學者。自錢大聽以來，未之有也。』

• 世界著名嘅法國漢學家伯希和講：『中國近代之世界學者，惟王國維同陳先生兩人』。據梁宗岱話，佢喺一次聚集咗舊都名流學者同歐美人士嘅歡迎伯希和宴會上擔任口譯，席上有人問伯希和：『當今中國嘅歷史學界，你惗邊個係最高嘅權威？』伯希和不假思索地回答：『我惗應推陳垣先生。』

• 陳垣嘅學生黃現璠曾經咁講：「我喺日本讀書嘅時候，喺東京帝大遇到兩個教授，和田清同加藤繁。佢哋兩個都好似陳先生咁有大家風範，畀我留低咗好深嘅印象，對我影響都好大。」佢仲補充話：「1949年之前，日本嘅學者，特別係嗰啲名牌大學好似東京帝大同京都帝大嘅教授，......唯獨對顧頡剛先生同我老師陳垣先生，就係讚不絕口。」

• 日本京都學派代表人物桑原騭藏講道：『陳垣氏為而家支那史學者中，尤為有價值之學者也。支那雖有如柯劭之老大家，同許多之史學者，然能如陳垣氏之足惹吾人註意者，殆未之見也。』

• 黃侃、朱希祖同埋尹言武等偶談及當世史學鉅子都話：『近百年來橫絕一世者，實為門下一人（指陳垣），聞者無異辭。』

出面網頁

• 中國嘅國寶 - 史學大家陳垣