劉偉聰
| 劉偉聰 Lawrence Lau Wai Chung | |
|---|---|
 | |
| 深水埗區議會議員 | |
現任 | |
| 就任日期 2020年1月1號 | |
| 前任 | 李梓敬 |
| 繼任 | （現任） |
| 選區 | 又一村選區 |
| 個人資料 | |
| 出世 | 1968年1月4號.svg){kind=small} 英屬香港 |
| 居住地 |  香港 |
| 母校 | 樂善堂顧超文中學 香港大學 倫敦政治經濟學院 |
| 職業 | 律師、前任區議員 |
劉偉聰（英文：Lawrence Lau Wai Chung，1968年1月4號—），係香港執業律師兼政治人，花名「逆權大狀」，前任又一村選區區議員，政見同行動上屬於泛民主派。
經歷
[編輯]佢出身於基層家庭，阿爸係個巴士司機，阿媽就係個洗車工人，細細個就住響新蒲崗嘅板間房。後嚟，佢阿爸攞到咗公屋，於是就搬去荔景邨。
細細個嘅佢好唔畀心機讀書，重話「我淨係會用最低力度去考試，如果我用力咁實在太蠢啦」。響考香港高級程度會考嘅時候，佢錯誤分配時間，搞到考唔到大學。之後佢意識到讀書嘅重要性，於是決定重考。期間佢曾經響航空公司做電腦系統管理員，亦都考過懲教署。最後，佢好努力咁入到港大。
響1993年，佢響港大法律系畢業，之後曾經做過香港皇家警察，響1994年做自由黨創黨主席李鵬飛嘅助手，幫佢寫演講稿。1996年，佢正式做咗律師。響2000年，佢去倫敦政治經濟學院讀政治學，一直響度探討緊公平、公正、公義呢三樣野。但係佢響2005年因為某啲嘢而同老師反面，搞到佢攞唔到學位。
佢先後響2010到2012先後做咗特別委裁判官同埋暫時委任裁判官。佢接觸過唔少案件，其中係為「以胸襲警」嘅女被告辯護最出名，佢亦曾經係旺角騷亂被告盧建民嘅代表大律師[1]。
響2019年，佢參選又一村選區區議員，以2,487票撃敗攞到2,391票、自由黨嘅李梓敬，成功當選。
2021年9月29號，佢喺2021年香港區議員宣誓入面宣誓無效，即時冇咗區議會議席。
出位言論
[編輯]- 「只有魚蛋，冇革命[2]」
- 「李鵬飛佢放棄咗好安穩嘅委任議席，走去普選。佢名成利就後覺得，民主先係ultimate legitimacy，覺得被elected更加威、名正言順。呢個好重要，係民主政治一個重要嘅價值、理想，就係legitimacy。我講嘅嘢之所以有用，係因為我代表選民；點解我代表選民，因為佢哋投我出嚟。[1]」
- 「法律唔等於公義」
- 「除非你覺得班後生仔係傻嘅，佢哋知道後果但係都會照做，即係指有啲嘢，係重要過自己嘅自由、自己條命——我覺得嗰樣嘢就係公義。」
- 「後生仔犯咗法，但係政府同埋班警察帶頭犯法，所以如果法治受到咗破壞，一定係由政府同埋警察搞出嚟。佢哋以法律做武器，拉班佢哋覺得嘅異見人士。呢樣嘢根本就係好明顯嘅事實。」
- 「拋頭顱、灑熱血，我做唔到。勇武抗爭，我都做唔到。正因為咁，我好佩服班後生仔，佢哋居然放棄自己咁多前途、咁多未來，可以為咗香港、為咗一班唔認識嘅陌生人，選擇咁嘅路向。」
- 「就好似雨傘運動，見到一班後生仔有咗案底、坐監，可以見到共產黨嘅高壓。但係你衡量一個社會運動，唔應該淨係用可以見到嘅嘢去量度，例如雨傘運動就可以顯示唔同年代嘅香港人，重係有一班香港人係有良心，唔係盲目嘅；又好似六四咁，除咗死咗咁多人、咁多家庭破碎、共產黨嘅力量更鞏固外，似乎冇嘢好，但長遠睇，我哋將呢啲嘢講番出嚟，令到後人起碼會知道世間上有樣嘢叫做公義，有樣嘢叫做邪惡。」
攷
[編輯]- ↑ 1.0 1.1 〈眾新聞 | 代表暴動罪被告 大狀劉偉聰：我能做的，是打好官司〉。《眾新聞》 (中文)。原著喺2020-01-01歸檔。喺2020-06-20搵到。
- ↑ 〈逆權大狀劉偉聰 從歷史傷口看司法〉。《仁聞報 | Our Voice》 (美國英文)。喺2020-06-20搵到。