吉隆坡城中城
| 吉隆坡城中城 Kuala Lumpur City Centre (KLCC) | |
|---|---|
| 聯邦直轄區吉隆坡市次分區 | |
.jpg) 吉隆坡城中城天際線 | |
| 吉隆坡城中城喺吉隆坡同馬來西亞嘅位置 | |
| 國家 |  馬來西亞 |
| 州屬 |  吉隆坡 |
| 時區 | 馬來西亞標準時間（UTC+8） |
| • 夏令時間 | 無（UTC） |
| 郵編 | 50088 |
| 電話區號 | +6 03 |
| 車牌 | V或者W |
| 網站 | dbkl |
吉隆坡城中城（Kuala Lumpur City Centre，簡稱KLCC）係馬來西亞吉隆坡一個都市更新區域，總面積有100公頃，1993年3月開始進行開發，係依家吉隆坡嘅中心商務區（CBD）。
好多吉隆坡地標、重要建築物、大型商場、高級酒店、豪宅同企業總部都喺呢區，係吉隆坡最國際化嘅地段。期中有雙子塔、吉隆坡會展中心、吉隆坡城中城公園、明訊大廈等。
為咗引導都市均衡發展同疏解茨廠街以及武吉免登一帶嘅地域衝突（land use conflict）情況，吉隆坡市中心商業地區由茨廠街一帶轉移到原本屬於吉隆坡高尚住宅區嘅安邦路一帶。
範圍
[編輯]吉隆坡城中城劃定嘅範圍總面積大約100公頃，成個計畫區大約喺安邦路（Jalan Ampang）、P南利路（Jalan P. Ramlee）、賓甲路（Jalan Binjai）、嘉炳路（Jalan Kia Peng）同檳榔路（Jalan Pinang）包圍住嘅地方，早期係由雪蘭莪賽馬會（Selangor Turf Club）同私人擁有。
依家城中城大部分建築由城中城不動產信託基金（KLCC Reit）持有，呢一帶仍然留有好多未發展嘅土地，城中城第二期工程計劃亦進行緊[1]。
依家隸屬城中城不動產信託基金（KLCC Reit）地段劃分。
| 區塊 | 發展類型 | 項目名 | 備註 |
|---|---|---|---|
| A | 商辦大樓/購物商場 | 雙子塔 | 陽光廣場喺佢裙樓 |
| B | 商辦大樓 | 明訊大廈 | |
| C | 商辦大樓/購物商場 | 勘探大廈 | 裙樓係陽光廣場嘅延伸部分 |
| R | 購物商場 | 陽光廣場 | |
| P | 住宅大樓 | Binjai on the Park | |
| F | 會展/購物商場 | 吉隆坡會展中心 | |
| D | 酒店 | 東方文華酒店 | |
| D1 | 未知 | 未知 | 依家係閒置工地，但係通往勘探大廈嘅地下通道已經完工 |
| G | 酒店 | 香格里拉商貿酒店 | |
| 178 | 公眾開放空間 | 艾沙基林清真寺 | |
| 177 | 多項用途 | 城中城中央冷氣系統 | |
| K | 商辦大樓/購物商場 | Lot K, KLCC | 依家起緊新雙峰塔工程，無詳情。 |
| H | 商辦大樓 | Menara Exxon Mobil | |
| - | 公眾開放空間 | 吉隆坡城中城公園 KLCC Park | |
| L | 住宅/商辦大樓 | - | 依家用嚟做臨時停車場 |
| L1 | 住宅/商辦大樓 | - | 依家用嚟做臨時停車場 |
| M | 商辦大樓 | - | 依家用嚟做臨時停車場 |
| N | 多項用途 | - | 依家係Binjai on the Park展示屋 |
| P2 | 商辦大樓 | - | 依家用嚟做臨時停車場 |
| J1 | 商辦大樓 | - | 依家用嚟做臨時停車場 |
| J | 商辦大樓 | - | 依家用嚟做臨時停車場 |
| E | 商辦大樓 | 吉隆坡會展中心 | 吉隆坡城中城水族館喺會展中心底樓 |
交通
[編輯]鐵路
[編輯]- Kelana Jaya Line： KJ10 城中城站同 KJ09 安邦廣場站
- Kajang Line： SBK20 敦拉薩國際貿易中心站
- Putrajaya Line： SSP16 安邦廣場站、 SSP17 城中城道站、 SSP18 康萊站（起緊，預計喺2023年1月啟用）
巴士
[編輯]空橋系統
[編輯]
- 城中城－武吉免登空橋系統、敦拉薩路空橋系統行人空橋連接區入面主要地方。
參考
[編輯]- ↑ "KLCC Master Plan". KLCC Properties. KLCC Properties. 原著喺2013-02-21歸檔. 喺2014-11-09搵到.
