咖喱魷魚係香港一種街頭小食，主要材料係咖喱同魷魚。較正宗嘅咖喱魷魚係用土魷（曬乾咗嘅魷魚）加入咖喱汁快炒而成。價錢由5蚊到20蚊不等。
咖喱魷魚於1950年代至1960年代開始成為香港街頭小食，當時以咖喱汁煮成嘅辣魚蛋開始普及，有小販就諗倒將咖喱汁配搭魷魚，成為新一款街頭小食，結果受到顧客歡迎。
