天保山
| 天保山 | |
|---|---|
 喺上空望落天保山公園一帶 | |
| 海拔 | 4.53米（15英尺） |
| 位置 |  日本大阪港區天保山公園入面 |
| 座標 | 34°39′29.0364″N 135°25′57.6369″E / 34.658065667°N 135.432676917°E |
天保山（粵拼：tin1 bou5 saan1；日文：
呢座山喺天保二年（1831年）防治安治川（而家係舊淀川）嘅洪水同埋方便啲大型船隻入大阪用而將挖出嘅沙泥堆積成人工山[1]。初期高度有20米，嗰時係旅遊景點。不過喺安政元年（1854年）因防治沙俄（而家係俄羅斯）侵略而剷咗部份山泥嚟整炮臺，高度亦大幅下降[1]，到明治年代時，山頂剷咗7.2m。昭和卅三年（1958年），座山演變成公園[1]。日本經濟喺1960年代尾開始發展後，座山周邊因大量開採地下水令座山嘅地質成日下沉，山頂高度一降再降，海拔亦喺昭和46年（1971年）同昭和52年（1977年）先後下降到7.1m同埋4.7m，直到平成5年（1993年）下降到得返4.53m[2]。1996年7月1號，日本國土地理院發行嘅地形圖寫咗呢座山入去，名亦透露咗係「天保山」，山頂亦整咗二等三角測量站[3]，喺大阪市政府嘅官網亦講到佢係「日本海拔最低嘅山」[2]。
不過呢個紀錄淨維持到2014年4月8號為止。2014年4月9號，日本國土地理院重新考察過國內啲山嘅海拔高度，定咗喺仙台嘅日和山成爲日本海拔最低嘅山[4]，天保山亦取消咗「日本海拔最低嘅山」嘅資格。
攷
[編輯]- ↑ 1.0 1.1 1.2 天保山公園 互聯網檔案館嘅歸檔，歸檔日期2020年10月29號，. - 京都・大阪スポットガイド
- ↑ 2.0 2.1 〈1.天保山（てんぽうざん）渡船場〉 (日文)。大阪市政府。2017-02-06。喺2017-10-26搵到。
- ↑ 〈国土地理院地図閲覧サービス 2万5千分1 地形図名：大阪西南部（和歌山）〉 (日文)。國土地理院。喺2017-10-26搵到。
- ↑ 〈標高3メートル、日本一低い山に…天保山下回る〉。読売新聞。原著喺2014-04-13歸檔。喺2014-04-09搵到。