宋王臺

宋王臺，係香港九龍城馬頭涌一塊石碑，相傳係為咗紀念南宋皇帝宋端宗趙昰同佢細佬趙昺流落當地而刻嘅，本來係一嚿大石響個山仔上面，後尾三年零八個月期間日軍要擴建啟德機場，炸咗個山仔，後人只好將大石遺骸整修成石碑。1960年石碑被移入新落成嘅宋王臺花園入面。

2014年，喺沙中綫（屯馬綫）宋皇臺站（嗰時暫名土瓜灣站）工地，宋王臺花園對落發現南宋時期方形石井，包括6個古井同埋幾千件文物。