東山洋樓

東山洋樓（粵拼：dung1 saan1 joeng4 lau2）係中國廣東省廣州市入面，有嶺南建築同洋樓嘅風格喺埋一齊嘅民宅建築。

歷史

1915年，喺美國返咗嚟中國嘅海歸資本主義家——黃葵石，去咗廣州市政府嗰度買咗龜崗嘅1.2萬幾㎡嘅荒地返嚟，佢將啲地剷平咗之後就劃咗龜崗一、二、三、四馬路出嚟，之後一班美國嘅華僑都先後嚟咗嗰度買地起樓。之後無耐，美國華僑楊遠榮同楊延藹兩兄弟一齊將離龜崗冇幾遠嘅江嶺嗰座山仔都剷平埋，搞咗條江嶺東、西兩條街（而家係江嶺東、西路）出嚟。結果嗰時之前嘅鄉下菜地出咗好多帶有歐美風格嘅私家洋樓別墅出嚟。

民國政府時期，嗰時做官啲人就猛咁喺嗰度起別墅同官邸出嚟，搞出咗喺新河浦同龜崗一帶，600幾棟中西合璧嘅紅磚洋樓仔出嚟。而嗰啲洋樓仔就變成而家廣州嘅洋樓仔特色。

風格

呢啲建築特色係用紅磚嘅清水外墻、柱式門廊、柚木嘅門窗、庭院仔搞出嘅獨院式花園，喺嗰時嘅廣州，算係比較得意同幾有特色嘅住宅。尤其係新河浦地區，成街嘅西洋式騎樓同早期嘅花園式住宅話成係「東山洋樓」。

睇埋

• 西關大屋

出面網頁

• 东山洋楼 新快报 （2013年08月05号）
• 东山老洋楼 南方网 （2014-01-08）
• 东山洋楼文化街区详情介绍 花城网