段祺瑞

段祺瑞

段祺瑞（1865年3月6號—1936年11月2號），字芝泉，中國安徽合肥人，係清朝末期至中華民國初期嘅重要軍事同政治人物，皖系軍閥嘅阿頭，曾經喺天津武備學堂學習。1912年做陸軍總長，1913年代理總理職務，1916年到1918年三次出任國務總理，段祺瑞掌握咗實權之後，借咗日本一大筆錢，1917年，段祺瑞喺鎮壓咗張勛復辟之後，認為自己已經「再造共和」，廢止咗1913年選出嚟嘅國會。1917年到1922年鎮壓咗孫文以維護約法為由北伐段祺瑞嘅護法之役。但係响1920年嘅直皖戰爭輸畀直系軍閥曹錕，吳佩孚同埋奉系軍閥張作霖。1924年到1926年做臨時執政（國家元首）。1936年因為胃潰瘍喺上海死咗。