海洋生態系統

2010 年响澳洲昆士蘭影到嘅一座珊瑚礁

海洋生態系統（英文：marine ecosystem）係指海入面或者海邊嘅生態系統，例子有珊瑚礁。

分類

• 海邊：海邊係指陸地同海之間嘅交界；呢啲空間經已充滿咗好多生命活動，例如係會上沙灘生蛋嘅海龜、喺海邊捉魚嘅各種海鳥、同埋俾浪沖咗上岸嘅各種生物（常見嘅有海星同白蚱）呀噉。除此之外，有好多主要响陸地上生活嘅動物都會喺海邊嗰度徘徊，想執一啲俾浪沖咗上岸嘅生物嚟食。
• 遠洋帶（pelagic zone）：遠洋帶係指開放嘅海（open sea），即係指個海當中遠離陸地嘅一橛，一笪遠洋帶可以想像成一個由水組成嘅圓柱體，周圍都掂唔到陸地；遠洋帶因為養份比較少（唔似得例如珊瑚礁噉，有大柞植物喺度聚集同埋做光合作用生產養份），所以相對嚟講冇咁多生命活動。順帶一提，遠洋帶嘅生命活動往往都會為深海提供養份－喺遠洋帶死咗嘅動物會沉落去深海嗰度，成為深海生物嘅養份來源。
• 珊瑚礁（coral reef）：珊瑚礁係地球上最密集最多樣嘅生境之一，係由珊瑚等曉累積鈣嘅動物喺岩石上面建立嘅，會吸引好多生物－例如係會食珊瑚嘅棘冠海星，仲有係小丑魚等鍾意匿埋喺珊瑚入面避開獵食者嘅細魚噉，都會喺珊瑚礁嗰度聚集。珊瑚礁呢家嘢喺熱帶嘅淺水區嗰頭最常見，不過都有啲珊瑚能夠生存喺凍啲或者深啲嘅水嗰度。
• 深海：一般嚟講，海面以下超過 1,000 米深嘅區域就可以算係深海；一到咗超過 1,000 米深，太陽光就完全穿透唔到，所以深海係漆黑一片嘅，亦即係話喺呢啲地方，植物做唔到光合作用，所以深海唔會有動物係食草嘅，呢啲動物一係就食肉，又或者食腐（食嗰啲由遠洋帶沉落嚟嘅死屍）；亦都有啲深海動物曉靠唔尋常嘅方式嚟攞生存所需嘅能量，例子包括由海底火山噴出嘅熱能嗰度攞能量維生嘅巨型管蟲。

... 等等。

俾浪沖咗上岸嘅海星同海葵 俾浪沖咗上岸嘅海星同海葵  2005 年馬爾代夫一角嘅珊瑚礁 2005 年馬爾代夫一角嘅珊瑚礁  一隻棘冠海星； 呢種海星出嗮名會食珊瑚。 一隻棘冠海星； 呢種海星出嗮名會食珊瑚。

2007 年喺遠洋帶影到嘅一條跳出水面嘅座頭鯨 2007 年喺遠洋帶影到嘅一條跳出水面嘅座頭鯨  深海魚喺形態上好多時都同一般嘅魚好唔同。 深海魚喺形態上好多時都同一般嘅魚好唔同。

睇埋

• 海洋生物學

拎

• 維基同享中有關海洋生態系統嘅資源類