清遠

大清乾隆時，清遠縣歸廣州府

清遠喺中國廣東，家下係地級市，叫清遠市。清遠原本係個縣，叫清遠縣。清遠轄下有一個清新縣。

地理

清遠喺省城以北。

山

西便有秦王山，東便有中宿峽，一名飛來峽。

水

北江自英德入，向西南流，去到琶五江口，東便琶江水注入。之後再行，會合政賓江。屈向南，右納山塘水，左納大燕水，過回岐山，入三水。

史

「清遠」呢個名喺梁大同元年（546年）已經有，嗰時建立咗清遠郡，轄下有中宿、威正、廉平、恩洽、浮護等5縣。隋開皇十年（590年），清遠郡被廢，改立清遠同埋政賓（今日清新縣濱江一帶）縣。

大清時歸廣州府。有三巡司，回岐、琶江、濱江。有清遠驛，安遠廢驛。開粵漢鐵路，通過清遠。

民國嗰陣，清遠曾經係粵海道轄下一個縣。中共建國後至1983年，清遠係由韶關地區管嘅；1983至1988年，由廣州市管。1988年，清遠脫離廣州，成立清遠市。

友好城市

• • 美國布里奇波特