湘江
呢篇文講河。想搵同名嘅公社嘅話，請睇湘江人民公社。| 湘江 | |
| 湘水 | |
| 河 | |
 流過湖南省城長沙嘅湘江
| |
| 國 |  中華人民共和國
|
|---|---|
| 省/州/邦 | 廣西、湖南 |
| 屬於 | 長江 |
| 支流 | |
| - 左邊支流 | 海洋河、西坡河、鹹水河、白沙河、萬鄉河、洮水、宜湘河、紫水河、蘆洪市河、石溪江、祁水、白河、栗江、車江、銅橋巷、蒸水、白鷺港、龍陰港、烏石舖、荊陂河、紫荊河、涓水、漣水、靳江河、雷鋒河、馬家河、溈水、新河 |
| - 右面支流 | 漠川河、建江、長亭江、灌江、鶴崗河、石期河、瀟水、白水、浯水、宜水、舂陵河、管子河、耒水、龍溪河、白衣港、白馬堰、洣水、小港、淥水、楓溪港、栗江、瀏陽河、撈刀河、沙河、文經港、灣河、白水江 |
| 分流 | 五夾河 |
| 城市 | 興安、全州、永州、祁陽、衡南、衡陽、衡山、株洲、湘潭、長沙、望城、湘陰 |
| 源頭 | 白石鄉石柱村近峰嶺（湘江西源） |
| - 位置 | 中國廣西興安 |
| - 海拔 | 2,000米（6,562呎，6,000尺） |
| - 座標 | 25°25′48.9″N 110°44′42.3″E / 25.430250°N 110.745083°E |
| 次源 | 紫良瑤族鄉野狗嶺（大橋河） |
| - 位置 | 中國湖南藍山 |
| - 座標 | 25°13′21.2″N 112°5′8.4″E / 25.222556°N 112.085667°E |
| 河口 | 洞庭湖 |
| - 位置 | 中國湖南岳陽 |
| - 座標 | 28°59′11.9″N 112°54′54.7″E / 28.986639°N 112.915194°E |
| 長度 | 948千米（589哩，1,896里） |
| 流域面積 | 94,721 km²（36,572 mi²） |
| 流量 | |
| - 平均流量 | 2,370 m³/s（83,696 ft³/s） |
| 支流、河口、河源、城市、分流等地理資訊可查[1]。 | |
湘江（粵拼：soeng1 gong1；湘語音標：siɔ̃44 ziɔ̃31），又叫湘水（soeng1 seoi2；湘語音標：siɔ̃44 swɛ13），係流喺中國南部嘅大江之一，佢流過湖南省，注入到洞庭湖，係長江右岸嘅主要支流，亦係湖南最大嘅河，流域面積有9萬4721平方公里[2]，全長948公里[2]，一年平均流量722億立方米。湘江係湖南簡稱「湘」嘅來源。
河道
[編輯]喺《水經注》呢啲古文獻中，因爲靈渠貫通咗湘江同灕江，而以爲貫通佢哋嘅海洋河係湘、灕二江嘅源頭[2]，所以古人認爲湘江發源自廣西桂林靈川嘅海洋山[3]，以爲流過海洋墟嘅海洋河係佢嘅源流。到咗如今，傳統上認爲湘江發源喺興安白石鄉石柱嘅近峰嶺，2011年湖南省主持水利普查，勘查結果認爲源頭應該係湖南永州藍山嘅大橋河，發源喺紫良嘅野狗嶺[2]，而將傳統上興安嘅水源改叫湘江西源[1]。
從湘江西源出發，條河喺廣西內向東北方向流。透過靈渠運河嘅連結，流入運河嘅水有70%回流返湘江，而有30%嘅水流入灕江。湘江入湖南省嘅地方係湖南永州東安嘅瀑埠頭。湘江全長嘅948公里之中，有670公里左右喺湖南省內，係湖南最大嘅江，亦係長江大支流之一。
自東安開始，條河一路向北，然後匯入各路支流嘅河水：喺永州市境內流入紫水、石期河、瀟水、應水同白水；喺衡陽匯入蒸水同耒水；喺衡山流入洣水；喺株洲嘅淥口匯入淥水；喺湘潭匯入漣水；喺長沙市中心匯入瀏陽河同撈刀河；喺望城嘅新康同高塘嶺一帶匯入潙水。到岳陽湘陰嘅濠江口時，湘江分成左右兩支水流，一齊注入洞庭湖，透過呢個湖連結長江。
湘江有2157條支流，而喺當中嘅主要支流，屬東岸嘅有瀟水、耒水、洣水、淥水、瀏陽河，屬西岸嘅有祁水、蒸水、涓水、漣水、潙水。
條江通過嘅市區同縣份有：興安縣、全州縣、東安縣、永州市區、祁陽縣、衡南縣、衡陽市區、衡山縣、株洲市區、湘潭市區、長沙市區、望城區（曾經係縣份）、湘陰縣。
流域
[編輯]湘江流域幾廣大，佢位於長江嘅南側、南嶺山脈嘅北面。東面嘅羅霄山脈係佢同贛江（gam3 gong1）水系嘅分水界，西面嘅衡山山脈將佢同資水水系劃分開。9萬4721平方公里[2]嘅流域面積裏頭，有8萬5300平方公里屬湖南省，相當於係湖南省面積嘅40%。
流域主要都市
[編輯]湖南中北部嘅湘江流域形成咗都市圈，當中嘅核心城市有：
攷
[編輯]