東安縣

出自維基百科,自由嘅百科全書
跳去: 定向搵嘢

座標: 26°23′40.7″N 111°18′47.4″E / 26.394639°N 111.313167°E / 26.394639; 111.313167

中華人民共和國 > 湖南省 > 永州市 > 東安縣
東安縣
明細
普通話拼音 Dong'an
所屬省級政區 湖南省
所屬地級政區 永州市
政區類別
成立 984年[1][2][3]
政府駐地 白牙市鎮[3][4]
首長 陳宇榮[5]
面積  
 - 全部 2,219 km2(857 sq mi)
數目 13[6]
數目 4[6]
人口(2013) 63萬1918人[7]
本地生產總值(2013) 127億1995萬元[7]人民幣
郵政編碼 425900[4]
電話區號 0746[4]
時區 中國時區:UTC++8
網站: 東安縣官方網站

東安粵拼dung1 on1)係中華人民共和國湖南省永州市嘅。面積2219.95平方公里[5],人口63萬(2013年)[7]。佢位於湖南西南部、湘江中上游,稱爲「湘南門戶」[8]。東南係永州嘅零陵區,東面係冷水灘,北面係祁陽邵陽,西面係新寧,西南面係廣西嘅全州[4]

[編輯]

東安地方喺春秋戰國時係楚國南境,秦時屬長沙郡,漢武帝元鼎六年(前111年)屬零陵郡洮陽縣[9],之後零陵郡喺三國赤壁之戰後由蜀漢易手爲東吳。

西晉惠帝永熙元年(290年)從零陵郡觀陽縣析置出應陽縣(應讀英;jing1 joeng4[10]),屬零陵郡,應陽就係東安嘅前身。應陽嘅意思係應水嘅陽位,即係指當時個縣治(而家嘅蘆洪市鎮)喺應水嘅北面[11]。南朝宋武帝永初元年(420年)應陽由縣改爲封國,爲應陽男國,南朝陳宣帝太建五年(573年)由男國改爲應陽子國,陳後主至德四年(586年)由子國改爲應陽公國。期間應陽始終屬零陵郡。之後一直到隋文帝開皇九年(589年),應陽併入到零陵縣。

之後,唐昭宗光化元年(898年),馬殷攻落永州,割據一方,喺原先應陽地頭設立東安場,不過一直屬零陵縣。宋太宗雍熙元年(984年),升東安場爲東安縣,從零陵獨立返出來,之後個名未改過,沿用到而家,其中直到民國時,縣治喺而家紫溪市鎮,到共和國時期縣治搬到而家嘅白牙市鎮[3]。東安嘅意思,有兩種講法,一係話因爲離東安江[3][12],二係話「東方安寧」[2]

政區[編輯]

東安轄13個鎮、4個鄉、2個國營林場[6][4]。其中黃泥洞鄉係2013年成立嘅,由鹿馬橋鎮嘅兩條村(金江、石鼓)、黃泥洞林場嘅四個國有工區(龍井、青山坳、南鎮、天堂)同六條村合併而成[2]

[編輯]

  1. "建置沿革". 東安縣人民政府. 喺2014年12月3號搵到. 
  2. 2.0 2.1 2.2 "東安縣歷史沿革". 行政區劃網. 2013年7月29號. 喺2014年12月3號搵到. 
  3. 3.0 3.1 3.2 3.3 "東安縣". 行政區域網. 喺2014年12月3號搵到. 
  4. 4.0 4.1 4.2 4.3 4.4 "東安縣概況地圖". 行政區劃網. 2013年7月29號. 喺2014年12月3號搵到. 
  5. 5.0 5.1 5.2 "領導致辭". 東安縣人民政府. 喺2014年12月3號搵到. 
  6. 6.0 6.1 6.2 "2013年統計用區劃代碼:東安縣". 中華人民共和國國家統計局. 喺2014年12月3號搵到. 
  7. 7.0 7.1 7.2 "永州·東安縣2013年國民經濟和社會發展統計公報". 永州市統計局. 湖南統計信息網. 2014年4月9號. 喺2014年12月3號搵到. 
  8. "東安概況". 東安縣人民政府. 喺2014年12月3號搵到. 
  9. 《晉書·地理志》
  10. 據《水經注》第八卷《江南諸水》嘅注音,譯注者:陳橋驛、葉光庭、葉揚
  11. 水經注. 東南流逕應陽縣南,晉分觀陽縣立,蓋即應水爲名也。 
  12. 《太平寰宇記》卷116永州東安縣:「馬氏割據時,析零陵縣置東安場,以近東安江岸爲名」;《郡縣釋名》湖廣卷下:「宋雍熙初立爲縣,從驛場故名也。」