天心區
28°7′2.7″N 112°58′59.9″E / 28.117417°N 112.983306°E
| 天心區 | |
|---|---|
| 明細 | |
| 普通話拼音 | Tianxin |
| 所屬地級政區 | 長沙市 |
| 政區類別 | 市轄區 |
| 成立 | 1996年7月10號[1] |
| 政府駐地 | 湘府中路298號 |
| 首長 | 朱東鐵 |
| 面積 | |
| - 全部 | 72 km2（28 sq mi） |
| 街道辦事處數目 | 12[2][3] |
| 人口（2013） | 48.16萬[4] |
| 本地生產總值（2013） | 591.68億人民幣[4]人民幣 |
| 郵政編碼 | 410000 |
| 電話區號 | 0731 |
| 時區 | 中國時區：UTC+8 |
| 網站： 天心區府 | |
天心區
 |
天心（粵拼：tin1 sam1）係中國湖南省長沙市嘅市轄區，喺長沙市區之南，南面係長沙縣，北面係開福區，東面係芙蓉區、雨花區，西面同望城區、嶽麓區隔住湘江。面積72km²，人口48.16萬（2013年數據）。
史
[編輯]天心區得名自區內嘅古蹟天心閣，前身係長沙南區，喺1996年長沙市區大調整之後成立天心區，除咗繼承大部分嘅南區外，重併入咗原先西區兩條街道（坡子街、學院街）、原先郊區嘅大托鄉、園藝場、畜牧農場呢啲地方。
天心係長沙老城區，聚集咗長沙60%嘅歷史文化景點[2]，比如天心閣、白沙井、第一師範、賈誼故居、太平街。天心之前嘅歷史同長沙城，喺秦朝時劃天下爲36郡，呢度屬長沙郡臨湘縣，漢代時屬長沙國，到隋朝開皇九年，臨湘縣改名長沙縣。宋哲宗時（1098年）從長沙縣析出五個鄉，同湘潭縣嘅兩個鄉合做善化縣，縣府就喺鷄公坡（而家縣正街）。
清初，善化縣分爲四鄉、五坊廂，呢度分屬上、下廂。乾隆時長沙城設坊，轄十四個舖，呢度分屬十三、十四舖。光緒時，舖改叫都，呢度分屬一、八都。清朝冧咗後，善化縣併入長沙縣，屬長沙府，呢度屬長沙縣城南鎮。
1934年，長沙城設4個區，呢度屬第二區，6月成立區所，駐朗公廟（而家朗公街），轄4坊15保。1938年，長沙市改區坊保甲四級爲鎮保甲三級，呢度分屬黃道鎮、禮賢鎮、天心鎮。當年文夕大火後，長沙市府裁撤，併入長沙縣，長沙城分屬城南、城北二鎮。1942年恢復市府，長沙城分屬城東、城西、城南（而家鰲山廟）、城北、城中（而家火藥局）五個鎮。1944年1月，鎮鄉改區，長沙城區分成東、南、北、會春、文藝、金盆、嶽麓等8個區，當年6月日本佔領長沙，遞年2月設城南鎮，8月抗戰勝利之後恢復城南區，轄8保，1947年2月拓充爲14保453甲，後調整爲192甲。
1949年8月5號，長沙政權易手，沿襲咗城南區，區所喺下黎家坡。1955年5月，城南區改名南區。1960年4月，區變妙高峰人民公社，駐席草田7號，轄8個分社。1961年9月26號，恢復城南區，1968年成立革命委員會，代替咗人民委員會，1980年10月28號恢復南區。1996年7月10號，改為天心區。
政區
[編輯]轄12條街道。
