燒雞

  呢篇文講燒烤整法嘅雞。想搵紅燒整法嘅雞嘅話，請睇山東燒雞。

西式燒雞

燒雞，又叫烤雞，係用燒烤整法整嘅雞。古時要整燒雞，就要放隻雞上火度燒熟，自從電力發明之後，燒雞可以用電轉烤肉架或者焗爐去整。

各地做法

• 粵菜入面嘅燒雞（又叫吊燒雞），正宗做法會先將隻雞吊起等到乾身先至燒，而唔少大酒樓嘅煮法又會用滾油淋熟隻雞去代替燒熟佢。除咗原味之外，都可以整南乳味，即係「南乳吊燒雞」。
• 西式燒雞就會用香草（譬如番茜、俄勒岡、迷迭香）醃好隻雞，再攞去燒熟佢。
• 印度燒雞叫天多利雞，將隻雞醃成紅色放落泥窰度燒熟。如果用無骨雞肉整，就係印度燒雞塊。
• 日式燒雞多數用照燒方法去整，又可以整成一串串，叫日式雞肉串。