牛丸
想搵綽號「牛丸」嘅足球教練嘅話，請睇陳婉婷 (足球教練)。
牛丸係中國潮州嘅特色小食，牛肉整成肉丸。香港早年就有唔少潮州或汕頭人移民過來，故此牛丸亦落地生根，流行香港。
史
[編輯]牛丸源自客家菜。早年賣牛丸嘅小販，多數係客家人。小販行過汕頭街頭巷尾，擔住牛丸，一路挑，一路賣。晚黑，韓江一帶，韓堤路八角亭到公園後面，成日有艇穿梭，船頭掛盞燈仔，為泊嗰處嘅客家貨船賣宵夜，賣牛丸湯。二十世紀四十年代，新興街一帶飲食攤檔好多，羅錦章造牛丸最出名，有特色。以後又有外馬路大香山牛丸同鎮邦街牛丸，檔檔嘢食都賣。改革開放以後，牛丸成為潮汕美食美名遠揚，壟美齋牛丸，用料上等，口味正宗，最爲出名。
香港
[編輯]潮州嘅手打牛丸非常出名。之不過香港出嘅牛丸，無潮州牛丸咁咬口。牛丸同牛筋丸等肉丸，多為香港冬季打甂爐常用佐料。亦用來送湯麵同河粉、米粉，如魚蛋牛丸麵、牛丸米等。
一九九九年，消費者委員會測試香港賣嘅牛丸樣本卅五種[1]，有個樣本，有水楊酸，另一樣本，含過量苯甲酸，唔合法例，其餘均測試及格。
註
[編輯]- ↑ 除少數樣本外，肉丸(魚肉、牛肉、墨魚丸)內防腐劑含量合乎法例規定 互聯網檔案館嘅歸檔，歸檔日期2005年12月1號，. 《選擇》月刊第273期 (1999年07月15日）