王維基

王維基
出生日	1961年12月13號  （62歲）
出生地	英屬香港
母校	民生書院、香港中文大學
職業	企業家
政黨	自由黨
[改維基數據]

王維基（英文：Ricky Wong，1961年12月13號—），係浙江寧波人，香港出世，城市電訊（港交所：1137，NASDAQ: CTEL）兼香港寬頻創辦人兼董事會阿頭。

王維基喺2008年做過亞洲電視12日行政總裁，同張永霖做同事，結果「請辭」，張永霖話王某要走人，唔係因為問亞洲小姐個上圍真定假單嘢。不過佢就話自己「12日維新」失敗。

2009年佢知香港特別行政區行政長官曾蔭權打算多發幾個免費電視牌照，噉王維基就嗱嗱聲去申請，重向無綫電視同亞洲電視挖角。點知2012年都未有牌，重俾亞視盛品儒話複印商業秘密，盛叫王快啲去警局自首，王就話去咗高等法院告盛同亞視誹謗。

2013年，港府決定唔發牌畀香港電視網絡，有傳聞話係梁振英、蘇錦樑嘅一籃子決定所引起，亦有人話係王維基同黎智英關係密切。

2016年，王維基用獨立身份參加第6屆香港立法會選舉嘅港島區嘅地區直選，主要政綱係要特首梁振英落台，但得票唔夠陳淑莊多排第七，因而飲恨。