網吧

網吧（粵拼：mong5 baa6*1，又寫成網bar）係種租電腦畀人用嚟上網同做其他嘢嘅舖頭，通常計鐘數收錢。

唔少網吧裝咗流行嘅正版電子遊戲落去性能好好嘅貴價電腦度，可以暢順噉樣運行，加上可以俾好多人聚埋一齊，喺網吧打機往往會零舍過癮。

正規嘅網吧唔畀人上鹹網、睇鹹嘢……其他犯法嘢（例如黑客行為）都唔做得。大部份都有會員制，入會之後有折頭；重有啲規定客人幫襯之前入會。

但依家，大家都有手機甚至自已屋企都有一部電腦，網吧這種舖頭都已經好少見喇。

其他服務

有唔少呢啲舖頭會賣嘢飲嘢食，又有部分放咗書（尤其是漫畫）畀人睇，重有啲有床，畀客人瞓覺同過夜。有種唔合規格，入到去有得叫鷄或者叫鴨嘅，俗稱色情網吧。