編輯
呢篇文講職業本身。想搵第二個意思嘅話，請睇編輯 (搞清楚)。編輯係種職業，涉及到出版業界各種媒體（包括文字、圖像、錄音、影片同多媒體等等）出版之前嘅編輯，包括成形、改良同修正等等嘅工作，主要係執重於文字方面；有時重會涉及埋採訪、寫稿、審核、本地化、版權、校對等等。
並唔係所有編輯做嘅嘢都一樣，而係有分工嘅；編輯亦都唔係純綷係後期製作，例如學術書嘅編輯主要係決定採納邊啲論文，另外有啲編輯係改善小說情節或者文章結構等等，兩種都唔係後期製作，甚至可以話係前期製作。
做文字以外嘅後期製作嘅人，粵語一般唔叫編輯；例如，做影片後期製作嘅叫剪接師，做錄音後期製作嘅叫混音師等等。
編輯通常唔係一種法例規管嘅專業，但係喺一啲國家，業界可能有一啲專業組織，可能會有專業守則，或者提供一啲考試，會員考試合格會頒發一啲認證等等。
一般人會有種誤解，以為標題一定係作者自己寫，其實喺報紙入面嘅文章，標題好多時係由編輯寫嘅。
