茜 (色)

西洋茜染料

西洋茜染色

茜，色名，赤一種，赤得來更深更沉，茜根染色而名，又叫茜色。古時同卮合稱卮茜。卮即今日梔，黃一種。要染一啲就要種好多，古時稱得上珍貴染料。茜又通蒨。

茜草科有六千幾種，有根染赤，有根染黃。染赤有幾種都叫茜，古時茜草，日本東南茜草，西洋有西洋茜。無論東定西，隻色好古老，人好早就知。

新鮮茜根出來橙色，後尾會變茜色。染出來有種種因素，唔一定出茜色，有時唔變，至淺出到橙色。

近代有由西洋茜而來，人工合成茜素，可以大量染茜色。話就有茜素，然而佢無天然染料香味，傳統制作有時仍會用天然方法，不過就貴好多。另外，化學結構都有啲差異。

漢時皇帝御衣要用茜，大種特種，有專園供給。古時佛門赤袈裟，亦染茜色，不過又有名絳衣。絳，說文話大赤咁解。同埋，後世官同女人都好茜。

茜，日本來形用挨晚天色。順帶一提，日本訓讀茜為あかね，あか為赤ね為根，亦可訓成赤根，意思啱啱指東南茜草根染赤。

天然染色得來，斷唔會有單一值。然而方便起見，都定得一啲數，方便參攷。日本標準四色印刷色值廿五、九十二、六十九、〇，而其他建議色值廿六、八十九、五十六、〇。

順便講下，茜草同東南茜草，唔只用來染，亦可做藥，有止血通經之效。西洋茜唔食得，會傷肝。

名

茜通蒨。唐韻、韻會、正韻都音倩。廣東話清末都讀善，不過又有人有邊讀邊，有唔讀西，好似芫茜咁，字書多數話誤讀。亦有啲按韻書切音要讀線。一般而言，茜草茜色都讀倩。

另外按芫茜本寫芫荽，茜只不過執筆亡字，荽音移再造字，同茜本身無關，亦唔能作準。臺灣將翻外國女人名，廣東音聽落司時之類，按國語翻成字西，造字加草花頭成茜，睇落似女人名咁。呢啲造字，亦唔關原本草染茜事。

英文稱為madder。

史

詩經鄭風，出其東門有「縞衣茹藘」，小雅瞻彼洛矣有「韎韐有奭」。都表示茜色古老而常用，只不過用第二啲名咁解。

史記貨殖列傳有寫，「若千畝卮茜、千畦薑韭、此其人皆與千戶侯等。」種得千畝卮茜，可以比得上千戶侯。

皇帝用衣，述異記講洛陽有支茜園。漢官儀又講，染園出芝，供染御服。

大唐時齊己寄湘幕王重書記有寫，「官好近聞加茜服」。

南唐李中溪邊吟有寫，「茜裙二八采蓮去」。唐時及後女人好茜裙。