行政長官粉嶺別墅

1973年港督粉嶺別墅

行政長官粉嶺別墅（英文：Fanling Lodge）以前叫港督粉嶺別墅，喺香港新界北區上水古洞，被粉嶺高爾夫球場包圍。行政長官粉嶺別墅係一幢兩層高嘅平房，設有客廳、飯廳同4間睡房，重有游泳池、網球場、燒烤場同直升機坪。

港督粉嶺別墅主要係香港殖民地時期嘅香港總督同香港回歸之後嘅香港行政長官同佢嘅家眷度假、招呼外賓同舉行宴會嘅地方。

喺2014年9月16號確定評為香港一級歷史建築。

史

就任1930年至1935年嘅香港總督貝璐熱愛高爾夫球運動同喺郊外騎馬，佢喺1932年提議為香港總督起一間鄉郊渡假別墅。1934年，港督粉嶺別墅起好，貝璐每逢假日都會去別墅避暑。

1996年，時任香港總督彭定康喺港督粉嶺別墅接待時任英國首相馬卓安。

香港回歸之後，行政長官比較少去度假別墅或者舉行官方嘅儀式。

2010年代，由於香港土地供應緊張，加上香港政府宣布《新界東北發展計劃》，有團體質疑政府未率先收番喺鄰近嘅粉嶺高爾夫球場同行政長官粉嶺別墅，政府其後從善如流，宣布將上述兩者納入《新界東北發展計劃》研究範圍。

2013年12月，古物諮詢委員會評審小組完成上述兩座建築物嘅評級工作，分別建議將兩者評為一級同二級歷史建築。

爭議

行政長官別墅每年支出約50萬港元維修，又少使用，被指為浪費，社會上有聲音要求行政長官放棄。