跳去內容

電話皇后

改拎
出自維基百科，自由嘅百科全書
電話皇后
蔡依林嘅單曲
收錄喺專輯《呸》
發行日期2014年9月29號 (2014-09-29)
類流行
時長2:58
唱片公司
填詞黃偉文
作曲
  • Dominik Rothert
  • Jason Worthy
  • Jessica Jean Pfeiffer
  • Alexander Krause
編曲小　安
監製小　安
蔡依林單曲年表
萬花瞳
（2014年） 		電話皇后
（2014年） 		Play我呸
（2014年）
音樂影片
YouTube上面嘅《電話皇后》

《電話皇后》（英文：Phony Queen）係臺灣歌手蔡依林嘅一首歌，呢首歌係音樂人黃偉文、Dominik Rothert、Jason Worthy、Jessica Jean Pfeiffer同Alexander Krause一齊創作，而且係音樂人小安監製。佢作為單曲由華納音樂同天熹娛樂響2014年9月29號發行，係臺灣網絡遊戲《唯舞獨尊DX》嘅主題曲[1]。呢首歌收錄喺蔡依林嘅第13張錄音室專輯《呸》。

背景同發行

[編輯]

2013年4月13號，蔡依林結束第3輪巡演「Myself世界巡迴演唱會」，佢表示之後將開始籌備新專輯[2]。同年7月25號，蔡依林飛往英國倫敦進修為時一個月嘅音樂、舞蹈同表演課程[3]。

2014年1月29號，媒體表示蔡依林將準備推出新碟，而且好可能有跨國合作嘅機會，仲表示新專輯製作費用預算超過新臺幣5千萬元[4]。同年4月4號，媒體表示蔡依林嘅新專輯預計響同年暑假發行。同年6月10號，媒體表示蔡依林之前已經完成新專輯入面三首歌曲嘅錄製，不過佢覺得有更佳好嘅歌曲表達方式而選擇重新錄製。同年9月5號，蔡依林表示新專輯已接近完成階段，預計響同年11月中旬發行[5]。

創作同錄製

[編輯]

歌曲《電話皇后》以浩室舞曲作主軸，歌詞以反諷方式描述現代人對電話嘅誇張依賴程度。音樂人黃偉文表示：「現代人最親近嘅未必係愛侶，反而係時刻不離身嘅手機，問路、工作、出街買餸都要依賴手機完成。[6]」

評價

[編輯]

Freshmusic音樂雜誌評價：「《電話皇后》更將荒謬推向極致，沉迷於通訊時代嘅戀愛，究竟係同人，定係同3C產品談戀愛，主角同聽眾都已經搞唔清楚。[7]」騰訊娛樂嘅樂評人蘼迷貓評價：「專輯嘅最後一首快歌係作為宣傳單曲嘅《電話皇后》，一首從作曲到編曲都非常模式化嘅House舞曲，擅長對社會現象針砭時弊嘅黃偉文喺這首歌嘅表現反應一般。[8]」PlayMusic音樂網樂評人Danial Chang評價：「歌迷評價兩極，搭配電玩遊戲嘅主題曲，亦係專輯中唯一比較偏向商業嘅歌曲。前奏嘅電子節拍繽紛得好似《Dr. Jolin》充滿正面療癒作用嘅歐陸電音，《電話皇后》嘅歌詞講緊嘅就係生活將App嘅對話狀態，藉由直白嘅歌詞，諷刺只要有咗電話就唔會孤單，唔使男女朋友有咗佢就夠。佢將現代人沈迷於電話嘅嚴重程度完整呈現，副歌嘅『電話，愛上我吧，電話 ，非君不嫁』詼諧逗趣嘅跟電話告白。浮誇嘅戲謔效果成功反映出問題所在，亦都打開咗發人省思嘅議題。[9]」PlayMusic音樂網樂評人賈旭評價：「除咗詞以外，我都幾仲意，好老土嘅廣告歌詞Oh My God，而且居然係Wyman嘅作品？當呢首歌做為先發時候我簡直不敢相信我嘅耳仔，不過曲調、編曲同製作上其實完美逗趣。[10]」

獎項

[編輯]

2015年11月6號，歌曲《電話皇后》獲得第15屆全球華語歌曲排行榜年度二十大金曲[11]。

音樂錄影帶

[編輯]

歌曲《電話皇后》嘅MV由導演張時霖執導，製作費超過新臺幣6百萬元[12]。蔡依林喺呢隻MV中挑戰戲劇性演出，張時霖表示：「其實從腳本出來之後就一直幾擔心Jolin會唔會搞唔掂，畢竟今次係佢頭一次做喜劇演出，估唔到Jolin放得超開，完全唔輸畀專業嘅喜劇演員，勁犀利㖭！[13]」

現場表演

[編輯]
2015年5月31號，蔡依林響臺灣臺北市舉辦嘅「2015年Hito流行音樂獎頒獎典禮」表演呢首歌

2015年2月12號，蔡依林出席中國中央電視台綜藝節目《網絡春晚》，響節目現場演唱《電話皇后》[14]。同年5月31號，蔡依林出席臺灣臺北市舉辦嘅「2015年Hito流行音樂獎頒獎典禮」，響活動現場演唱歌曲《電話皇后》[15]。

曲目

[編輯]

CD、數碼下載、串流媒體

  1. 《電話皇后》－2:58

發行歷史

[編輯]
地區 日期 格式 唱片公司
全球 2014年9月29號
  • 數碼音樂下載
  • 串流媒體
臺灣 CD

參考

[編輯]
  1. ↑ ETtoday新聞雲。〈蔡依林新歌《電話皇后》早洩 「完整免費試聽」網亂竄 | ETtoday星光雲 | ETtoday新聞雲〉。star.ettoday.net (繁體中文)。喺2021-07-17搵到。
  2. ↑ 〈蔡依林称暂不考虑结婚生子 自嘲风尘味不够_娱乐_腾讯网〉。ent.qq.com。原著喺2021-07-14歸檔。喺2021-07-09搵到。
  3. ↑ 中时新闻网。〈粉丝伦敦偶遇蔡依林「去买巧克力吗？」 - 娱乐〉。《中时新闻网》 (臺灣中文)。喺2021-07-09搵到。
  4. ↑ 三立新聞網 (2014-01-29)。〈天后出走！傳蔡依林砸5千萬 自立門戶 | 娛樂星聞 | 三立新聞網 SETN.COM〉。www.setn.com (臺灣中文)。喺2021-07-09搵到。
  5. ↑ 〈蔡依林萧亚轩罕见同台PK 两天后否认故意较劲_娱乐_腾讯网〉。ent.qq.com。原著喺2019-08-03歸檔。喺2021-07-09搵到。
  6. ↑ 〈蔡依林不怕造型雷人：有心理准备被骂〉。ent.sina.com.cn。喺2021-07-09搵到。
  7. ↑ Freshmusicsg (2014-11-29)。〈試聽：蔡依林《呸 Play》〉。Freshmusic (英國英文)。喺2021-07-17搵到。
  8. ↑ 〈蔡依林新专辑乐评："呸"声之中登顶个人巅峰_娱乐_腾讯网〉。ent.qq.com。原著喺2020-03-28歸檔。喺2021-07-17搵到。
  9. ↑ 〈PlayMusic音樂網 - 蔡依林『呸』: 實驗流行，也實驗人生態度！〉。Play Music。喺2021-07-17搵到。
  10. ↑ 〈PlayMusic音樂網 - 呸〉。Play Music。喺2021-07-17搵到。
  11. ↑ 〈【得奖名单】全球华语歌曲排行榜颁奖礼圆满落幕！〉。《YOLO 精彩活着》。原著喺2021-04-28歸檔。喺2021-07-09搵到。
  12. ↑ 中時新聞網。〈蔡依林燒600萬 MV當電影拍 - 娛樂新聞〉。《中時新聞網》 (臺灣中文)。喺2021-07-09搵到。
  13. ↑ ETtoday新聞雲。〈蔡依林披紅色頭紗喊：我要嫁了！ 天后勤練「金手指」 | ETtoday星光雲 | ETtoday新聞雲〉。star.ettoday.net (繁體中文)。喺2021-07-17搵到。
  14. ↑ 〈蔡依林将压轴网络春晚 上演八分钟串烧〉。ent.sina.com.cn。喺2021-07-09搵到。
  15. ↑ 〈蔡依林抱hito四大獎 要容光煥發拿金曲 | 娛樂 | 重點新聞 | 中央社 CNA〉。www.cna.com.tw (臺灣中文)。喺2021-07-09搵到。
由「https://zh-yue.wikipedia.org/w/index.php?title=電話皇后&oldid=1924205」收