玫瑰少年 (歌)

出自維基百科,自由嘅百科全書
跳去導覽 跳去搵嘢
玫瑰少年
蔡依林
收錄喺專輯《Ugly Beauty
發行日期2018年12月26號 (2018-12-26)
流行
時長03:11
唱片公司
填詞
作曲
編曲剃刀蔣
監製剃刀蔣
音樂影片
YouTube上面嘅《玫瑰少年》

玫瑰少年》(英文Womxnly)係臺灣歌手蔡依林嘅一首國語歌,呢首歌由剃刀蔣同蔡依林一齊作曲,蔡依林同阿信一齊填詞,剃刀蔣監製。呢首歌由索尼音樂凌時差音樂響2018年12月26號發行[1]。呢首歌獲得第30屆金曲獎年度歌曲獎[2]

背景同發行[編輯]

其實,包括我自己在內,從小到大,我們都在尋找大家的認同;這社會認同我嗎、老師認同我嗎、我的朋友認同我嗎、我的家人認同我嗎?然後,我們被教育著什麼叫正常,什麼是對的。但是,很少被教育我們要有一顆包容心,學會接納。先從接納自己開始,然後,接納所有的可能性,也許,發生在你身邊很特別的事情,不代表你是很奇怪的,當你有對象可以傾訴的時候,那是你開始接納你自己的那一刻。我相信永鋕在跟媽媽說他在學校發生的事的時候,他其實也在懷疑自己。所以他的故事也希望鼓勵大家,多一份包容心,先認同你自己,也許你真的不一樣,但是,那又怎樣。
——蔡依林談關於葉永鋕[3]

歌曲名稱「玫瑰少年」就係葉永鋕,葉永鋕在生嗰時響臺灣屏東縣立高樹國民中學,因為佢嘅性別氣質而成日受到同學嘅欺凌[4]。2000年4月,葉永鋕被發現身受重傷,送院之後不治死亡,之後呢件事引起臺灣社會對於性別平等教育嘅廣泛討論[5]

2015年11月,蔡依林邀請侯季然拍攝《不一樣又怎樣》系列紀錄片,包括葉永鋕篇在內嘅相關紀錄片喺佢嘅「Play世界巡迴演唱會」上播放[6]。蔡依林憑藉她在華人流行文化的影響力多次為LGBT群體發聲,蔡依林講起葉永鋕時表示:「不只是同志,當你懂自己而且不為別人活的時候,就可以伸出手幫助身邊的人。[7]

2017年7月,蔡依林透露向五月天成員阿信提出咗專輯《Ugly Beauty》中嘅合作邀請[8]。2018年7月,蔡依林表示阿信已經完成咗呢首歌嘅歌詞創作,仲表示:「阿信寫的這首歌非常好,應該會列入主打,我一直想試試不同的詮釋。[9]」2018年12月,蔡依林發行佢嘅第14張錄音室專輯《Ugly Beauty》,其中收錄咗呢首由阿信參與創作嘅歌曲《玫瑰少年》[10]

創作同錄製[編輯]

歌曲《玫瑰少年》以「葉永鋕事件」為靈感,由剃刀蔣同蔡依林一齊作曲,由蔡依林同阿信一齊填詞,由陳怡茹擔任歌詞協力、剃刀蔣編曲同監製[11]。該呢首歌嘅編曲融合咗南洋樂器、熱帶浩室舞場雷鬼音樂風格,係一首情感細膩且具有強烈文字力度嘅歌曲[12]

蔡依林一直對於LGBT權利同性婚姻等人權運動保持關注,呢首歌亦都為咗各種性向同外貌嘅群體發聲,蔡依林表示:「不要活在社會框架裡,陰柔不一定是不好的,陽剛也不一定是你要追求的,不管是男性女性,對於性別的認同,沒有既定的框架。[13]

音樂錄影帶[編輯]

2019年2月,蔡依林發佈《玫瑰少年》嘅MV,呢支MV由Ryan Parma執導。蔡依林喺MV中同舞者身着分別代表「束縛」同「做自己」嘅西裝同便裝兩套造型,配搭舞蹈動作同面部表情,以長鏡頭嘅拍攝方式表現歌詞中「誰把誰的靈魂,裝進誰的身體,誰把誰的身體,變成囹圄囚禁自己」嘅概念[14]

蔡依林表示:「剛開始聽到這首歌節奏然後開始寫曲時,身體會情不自禁地搖擺,它讓我很享受舞蹈的瞬間,很像是身體在散發它想要的語言!因此想以這個最原先的想法,以舞蹈影片的方式,去展現身體的姿態美。[15]」同年12月5號,歌曲《玫瑰少年》嘅MV獲得2019年臺灣YouTube熱門音樂影片排行榜第6名[16]

評價[編輯]

QQ音樂樂評人呆若木一評價:「《玫瑰少年》係一首詞曲俱佳嘅邊緣人群關懷曲目,簡約電子配憂傷旋律,雖然因為編曲趨於求穩缺乏想像力,令到聽感相對乾澀,不過依舊可以靠立意同流暢度勝出。歌詞講緊嘅係玫瑰少年遭霸凌犧牲嘅事,實際上亦都映射著自己、映射著受各種形式霸凌嘅邊緣人群。[17]

PlayMusic音樂網樂評人Janus Shau評價:「《玫瑰少年》雖然係明快帶有熱帶感氣息嘅輕舞曲,亦都係專輯中最令人神傷嘅一首歌曲……多謝蔡依林始終有咁樣嘅高度同氣度,用音樂包容各種美麗嘅可能性,亦都令到更多人觸摸到靈魂嘅各種型態。[18]

中華音樂人交流協會評價:「以自身高度回應世間嘅疑問,蔡依林用節奏聯想身體解放,可以係《不一樣又怎樣》嘅舞曲版,給予許多同志朋友力量,具有重要嘅時代意義。[19]金曲獎評價:「喺婚姻平權嘅議題於今年稍微落地之前,《玫瑰少年》陪伴許多人度過艱難時光,當流行音樂同年度事件連結,故事得以平易近人且完整。[20]

獎項[編輯]

2019年5月12號,歌曲《玫瑰少年》獲得中華音樂人交流協會2018年度十大單曲[19]。同年5月15號,第30屆金曲獎公布入圍名單,歌曲《玫瑰少年》入圍年度歌曲獎[21]。同年6月29號,歌曲《玫瑰少年》獲得第30屆金曲獎年度歌曲獎[2],蔡依林仲因此成為史上獲得該獎項次數最多嘅歌手[22]。同年12月4號,Kiel Tutin憑住歌曲《玫瑰少年》MV中嘅編舞獲得Mnet亞洲音樂大獎最佳編舞[23]

現場表演[編輯]

2019年1月5號,蔡依林參加錄製臺視舉辦嘅「2019超級巨星紅白藝能大賞」,喺活動現場演唱《玫瑰少年》[24]。同年8月30號,蔡依林參加「2019愛奇藝尖叫之夜·華人歌曲音樂盛典晚會」,喺活動現場演唱《玫瑰少年》[25]。同年12月14號,蔡依林參加「第13屆音樂盛典咪咕匯」,喺活動現場演唱《玫瑰少年》[26]

人員[編輯]

  • 剃刀蔣-和聲編寫、和聲
  • 蔡依林-和聲
  • 陳文駿-錄音師
  • 白金錄音室-錄音工作室
  • Luca Pretolesi-混音工程師
  • Andy Lin-混音助理工程師
  • Studio DMI-混音工作室
  • 陳怡茹-歌詞協力[27]

參考[編輯]

  1. 依林办Ugly Beauty歌会 "导读"歌曲制作过程_Jolin. www.sohu.com. 原先內容歸檔喺2021-07-22. 喺2019-05-17搵到.
  2. 2.0 2.1 Lee, Eva (2019-06-29). 曲30〈玫瑰少年度最佳歌曲蔡依林:首歌獻給葉永鋕、所有曾經覺得沒有機會的你,一定要支持你自己. Cosmopolitan (臺灣中文). 原先內容歸檔喺2019-06-29. 喺2019-06-29搵到.
  3. 一样又怎样谢你,让他们勇敢做自己_认同. www.sohu.com. 原先內容歸檔喺2020-03-28. 喺2019-05-17搵到.
  4. . LGBTQ.tw 台灣酷家 (臺灣中文). 2017-05-26. 原先內容歸檔喺2021-07-22. 喺2019-05-17搵到.
  5. 永鋕用生命催生性平教育法瑰少年何來不及長大? | Yahoo懶人卡. Yahoo奇摩新聞 (臺灣中文). 原著喺2021-07-22歸檔. 喺2019-05-17搵到.
  6. 催淚!蔡依林Jolin告訴我們4個不一樣又怎樣的故事. VOGUE時尚網 (臺灣中文). 原先內容歸檔喺2019-08-24. 喺2019-05-17搵到.
  7. 自由娛樂. 依林自爆與阿信網戀 談瑰少年捨哽咽 - 自由娛樂. ent.ltn.com.tw. 原先內容歸檔喺2018-12-23. 喺2019-05-17搵到.
  8. 新浪娱乐 (2017-07-21). 依林被问新专辑进度 直言五月天阿信"还没交词". ent.sina.com.cn. 原先內容歸檔喺2018-11-26. 喺2019-05-17搵到.
  9. 聯合新聞網. 信最後一刻還債交歌 蔡依林笑到變這樣. (臺灣中文). 原先內容歸檔喺2020-03-28. 喺2019-05-17搵到.
  10. 隔4年蔡依林发新专辑,瑰少年信作词,网友:听哭了!. new.qq.com. 原先內容歸檔喺2020-03-28. 喺2019-05-17搵到.
  11. 碎故事搭配純舞蹈 MV,瑰少年譽為蔡依林出道最美的音樂影像 ‧ A Day Magazine. A Day Magazine (美國英文). 2019-03-07. 原先內容歸檔喺2021-07-20. 喺2019-05-17搵到.
  12. 依林新专辑Ugly Beauty布会伤感落泪 百变女神面对质疑终_歌曲. www.sohu.com. 原先內容歸檔喺2021-07-22. 喺2019-05-17搵到.
  13. 花了二十年,看她七十二变_蔡依林. www.sohu.com. 喺2019-05-17搵到.{{cite web}}: CS1 maint: url-status (link)
  14. Jolin蔡依林瑰少年蹈版MV,重身體的直覺反應. VOGUE時尚網 (臺灣中文). 原先內容歸檔喺2019-02-15. 喺2019-05-17搵到.
  15. Jolin瑰少年推舞蹈版 MV一镜到底 - 大纪元. 纪元 www.epochtimes.com (中國中文). 2019-02-15. 原先內容歸檔喺2019-02-16. 喺2019-05-17搵到.
  16. 2019YouTube熱門音樂排行出爐 周興哲麼了. www.ctwant.com. 原先內容歸檔喺2019-12-06. 喺2019-12-06搵到.
  17. . y.qq.com. 原先內容歸檔喺2018-12-31. 喺2019-05-17搵到.
  18. PlayMusic音樂網 - Ugly Beauty. Play Music. 原先內容歸檔喺2021-07-21. 喺2019-05-17搵到.
  19. 19.0 19.1 中時電子報. 2018年度十大專輯暨十大單曲揭曉 蔡依林、艾怡良、陳奕迅雙料 - 娛樂. (臺灣中文). 原先內容歸檔喺2021-07-15. 喺2019-05-17搵到.
  20. 2019 GMA 金曲獎頒獎典禮暨國際音樂節 (2019-06-29), 30屆金曲獎星光大道及頒獎典禮Live節目, 原先內容歸檔喺2019-07-08, 喺2019-06-29搵到
  21. Storm.mg. 瑰少年挺性別平權,入圍金曲獎年度歌曲!陳珊妮揭露蔡依林專輯為何能入圍7大獎-風傳媒. www.storm.mg (臺灣中文). 原先內容歸檔喺2019-05-15. 喺2019-05-17搵到.
  22. ETtoday新聞雲. 依林超狂!4次入圍3度得獎 這3首歌都是年度歌曲 | ETtoday星光雲. star.ettoday.net (繁體中文). 原先內容歸檔喺2019-06-29. 喺2019-07-17搵到.
  23. "Here Are All Of The Winners From The 2019 Mnet Asian Music Awards (2019 MAMA)". Koreaboo (美國英文). 2019-12-04. 原先內容歸檔喺2019-12-04. 喺2019-12-04搵到.
  24. 娛樂星聞 (2019-01-05). 了十年!蔡依林首登抱病嗨唱3首竟破綻 | 娛樂星聞. star.setn.com (繁體中文). 原先內容歸檔喺2022-06-21. 喺2022-06-20搵到.
  25. 中時新聞網. 杰倫蔡依林隔6年J同台 - 娛樂新聞. (臺灣中文). 原先內容歸檔喺2022-07-18. 喺2022-06-20搵到.
  26. 徐坤拿下咪咕音乐"年度最佳人气男歌手",五月天成乐团奖大赢家_乐坛_华晨宇_郁可唯. www.sohu.com (英文). 原先內容歸檔喺2022-06-30. 喺2022-06-20搵到.
  27. . KKBOX (臺灣中文). 原先內容歸檔喺2019-08-10. 喺2019-08-10搵到.

出面網頁[編輯]