香港一蚊銀
提示：呢篇文講嘅唔係香港一文銀仔。史
[編輯]香港政府喺1866年首次鑄造1蚊銀，含銀九成。1868年因香港造幣廠結業，港府唔再出1蚊銀。其後外國貿易銀圓，例如墨西哥「鷹洋」就喺香港流通，代替停鑄嘅香港1蚊銀幣。
1895年，港府引入英國貿易銀圓（被稱為「站洋」或「港光」）當係香港1蚊貨幣，一面鑄有不列顛尼亞女神像同埋英文面額「ONE DOLLAR」，另一面就鑄有中文面額「壹圓」同埋馬來文面額。
1935年起，港府立法禁止外國貨幣喺香港流通，改由政府印1蚊紙，直到1959年。
1960年起，港府再出返1蚊銀以取代1蚊紙（1蚊紙其後喺1970年代初停用），以紅銅鎳合金鑄造，一面鑄有當時在位嘅英女皇伊利沙伯二世個樣，另一面則鑄有面值「香港壹圓」，中間係手持一個球狀物體嘅英國皇室獅子。
1971年開始，1蚊銀由原本嘅安全邊改為齒邊。
1978年起，1蚊銀面積縮細。發行初期曾經有市民不滿，因為容易同銀色嘅五毫子（1951-1975年期間出）撈亂。