香港一仙紙

1961年版香港一仙紙

一仙紙係以前流通過嘅一種香港貨幣，面值$0.01港元。

史

歷年嚟一仙紙嘅推出，都係因為市面唔夠銀仔用。

1941年5月香港政府發行一仙紙，兩面印。1945年香港重光後政府發行嘅一仙紙，淨係印單面，右邊有英王佐治六世肖像。

1961年，港府再一次發行一仙紙，設計同1945年版差唔多，但改印英女王伊利沙伯二世肖像。由於港府一早冇出一仙銀，所以一仙紙並冇好似同期五仙紙同一毫紙噉俾銀仔取代，到後來佢主要用嚟交稅、畀電費。一仙紙去到1995年9月30號至停用。