創世記

出自維基百科,自由嘅百科全書

世記粵拼cong3 sai3 gei3希伯來文בראשית‎,意思係 「開頭嗰陣」),天主教寫《創世紀》(讀 「創世記」);唐朝景教譯《渾元經》,係 嘅第一卷書。希伯來文名咁叫,係因為傳統上遠古嘅近東地區通常用書卷開頭嘅幾個字做嗰卷書嘅書名。

簡介[編輯]

創世記嘅原意係記述宇宙嘅創造、人類嘅起源、罪惡同人世苦難嘅開始,同時記述上帝點樣同人類來往。全書可以分為兩部分:

  1. 第一至十一章記述宇宙嘅創造同人類早期嘅歷史,包括亞當夏娃該隱亞伯挪亞洪水、同埋巴別塔等事蹟。
  2. 第十二至五十章記述以色列各先祖嘅歷史,首先係以信心同順服出名嘅亞伯拉罕,跟住係佢嘅仔以撒、男孫雅各(又叫以色列),同雅各嘅十二個仔,構成以色列十二支派嘅歷史,特別着重約瑟嘅經歷同埋雅各同佢十二個仔點樣帶眷屬去埃及居住嘅故事。

呢卷書唔單止記述人物,更重要嘅係述說上帝嘅作為。從肯定上帝創造宇宙開始,以上帝應許繼續帶領佢嘅子民結束。全書以上帝為中心,佢審判、懲罰作惡嘅人,並帶領、扶助自己嘅子民。佢係歷史嘅主宰。呢卷書目的係要記錄一個民族嘅信心,同幫助後代嘅人保持呢種信心。

提要[編輯]

  1. 宇宙同人類嘅被造(1章1節-2章25節)
  2. 罪同苦難嘅開始(3章1-24節)
  3. 從亞當到挪亞(4章1節-5章32節)
  4. 挪亞同洪水(6章1節-10章32節)
  5. 巴別塔嘅故事(11章1-9節)
  6. 從閃到亞伯蘭(11章10-32節)
  7. 族長:亞白拉罕、以撒、雅各(12章1節-35章29節)
  8. 以掃嘅後代(36章1-43節)
  9. 約瑟同佢嘅兄弟(37章1節-45章28節)
  10. 以色列人寄居埃及(46章1節-50章26節)