民數記

出自維基百科,自由嘅百科全書
跳去: 定向搵嘢

民數記》係摩西五經嘅第四卷,係以色列人嘅第一次人口普查文獻,普查時間係喺以色列人離開西乃山前,40年後又舉行咗一次,同時亦記錄咗以色列搬去第二度住嘅過程。

簡介[編輯]

作者:摩西
日期:公元前1400年
地點:摩押平原

民數記係點算上帝子民嘅數目到得到呢個名,記載以色列人離開西乃山到上帝賜畀佢哋土地東部邊界嘅歷史,前後大概四十年。呢卷書名同一個重要歷史事件有關,即係人口普查。喺以色列人離開西乃山前,摩西做第一次人口普查,大概四十年後,喺約旦河東岸摩押地做另一次普查。係呢兩次普查之間,以色列人向迦南南部嘅迦鐵巴尼亞推進,不過無辦法喺嗰處入到迦南。佢哋喺嗰個地區逗留咗幾年,然後到約旦河東岸,有一部分定居喺嗰度,其餘嘅人準備過河入迦南。

呢卷書描述以色列人喺遇到困難嘅時候都會好灰心、好驚,又會背叛上帝,埋怨上帝指派領導佢哋嘅領袖摩西。呢卷書講述上帝嘅信實。雖然以色列人成日都唔聽從命令,不過上帝始終眷佑佢哋。呢卷書亦提到摩西嘅品格,佢有時都會冇咗耐性,不過始絡能夠堅持到底,熱愛上帝,熱愛人民。

提要[編輯]

  1. 以色列人準備離開西乃山(1章1節-9章23節)
    1. 第一次人口普查(1章1節-4章49節)
    2. 各種律法同條例(5章1節-8章26節)
    3. 第二個逾越節(9章1節-23節)
  2. 從西乃山到摩押(10章1節-21章35節)
  3. 喺摩押嘅經歷(22章1節-32章42節)
  4. 從埃及到摩押旅程中嘅大事(33章1-49節)
  5. 過約旦河前嘅指示(33章50節-36章13節)