希伯來書

出自維基百科,自由嘅百科全書
跳去: 定向搵嘢

希伯來書希臘文ΠΡΟΣ ΕΒΡΑΙΟΥΣ)係《新約聖經》之中,寫畀猶太地區基督徒嘅一封書信。呢卷書冇提及作者個名,內容大概講述耶穌基督喺舊約同新約時代嘅獨特地位,重有解釋部分舊約聖經嘅真正含義。

簡介[編輯]

希伯來書係作者寫畀一班面臨困難信徒嘅信。佢哋受到反對者日益增加嘅壓力,有放棄信仰嘅危險。作者為咗堅定佢哋嘅信心,鄭重向佢哋指出耶穌基督係上帝最真、最完整嘅啟示。作者特別強調下面三點;

  1. 耶穌係永恆上帝嘅仔,佢忍受一切苦難,始終順服父神嘅旨意。身為上帝嘅仔,耶穌嘅地位比舊約所有先知高,亦比天使同摩西高。
  2. 上帝立耶穌做永恆嘅祭司,高過舊約祭司。
  3. 藉賴耶穌,信徒可以喺罪惡、恐懼同死亡裏面拯救出嚟。身為大祭司嘅耶穌畀人真嘅拯救,佢喺天上聖所獻上嘅祭遠超過猶太教嘅禮儀同獻祭。

作者引述以色列史度好多著名人物嘅信心榜樣(第十一章)勸勉讀者要堅守信仰。喺十二章佢要求讀者守信到底,始終仰望耶穌,忍受各種可能臨到佢哋身上嘅災難同迫害。最後佢用勸勉同警告嘅話做結束。

提要[編輯]

  1. 序言:基督係上帝完整嘅啟示(1章1-3節)
  2. 基督嘅優越性(1章4節-10章39節)
    1. 基督高過天使(1章4節-2章18節)
    2. 基督高過摩西同約書亞(3章1節-4章13節)
    3. 基督嘅祭司職位(4章14節-7章28節)
    4. 基督嘅約(8章1節-9章28節)
    5. 基督嘅祭(10章1-39節)
  3. 信心嘅重要性(11章1節-12章29節)
  4. 最後嘅勸勉同結語(13章1節-25節)