約翰福音

出自維基百科,自由嘅百科全書
跳去: 定向搵嘢

約翰福音》(希臘文Κατά Ιωάννην天主教譯做《若望福音》),係《新約聖經正典嘅第四卷福音,共21章,係四福音書最遲寫成嘅。呢卷書記載嘅耶穌言行有好多都冇記錄喺其他三卷福音書,特別強調耶穌嘅神性同基督徒屬靈生命嘅建造。

基督教會傳統都認為佢嘅作者係使徒約翰

簡介[編輯]

約翰福音主要內容描繪耶穌係上帝永恆之道,佢「成為人,住喺我哋中。」作者嘅目的係要讀呢卷書嘅人信耶穌係基督,係上帝之子,又因為噉樣信而獲得永生。呢卷書第一章指出上帝永恆之道成為人,係全書嘅導論。第二至十二章記述耶穌所行嘅好多神蹟異能,證明佢係救主,係上帝之子。根據呢十二章嘅記載,我哋知道有好多人信佢,接受佢做救主,不過亦有啲人反對佢,唔信佢。第十三章至十七章詳細記載耶穌同門徒嘅親密關係,同佢喺受難前夕教導佢哋,鼓勵佢哋嘅話。第十八章至二十一章記載耶穌被捕、受審、被釘死、復活,同復活之後向門徒顯現。

呢卷書嘅作者特別強調耶穌係引到真理同生命嘅道路,凡相信又接受佢嘅人都會得永生。約翰福音嘅顯著特徵係可以用日常生活上普通嘅事物,例如水、餅、光、牧者同羊群、葡萄樹同佢嘅果等,來象徵靈性上嘅意義。

提要[編輯]

  1. 導言(1章1-18節)
  2. 施洗約翰同耶穌最初嘅幾個門徒(1章19-51節)
  3. 耶穌嘅工作(2章1節-12章50節)
  4. 最後一個禮拜喺耶路撒冷同附近地方(13章1節-19章42節)
  5. 耶穌復活同顯現(20章1-31節)
  6. 結尾:加利利嘅另一次顯現(21章1-25節)