印刷

出自維基百科,自由嘅百科全書
跳去: 定向搵嘢
捲筒紙報版膠印機的摺頁裝置

印刷係指將圖像文字原稿迅速大量複製嘅一種技術。通常係用印刷機油墨印響紙張上,佢係出版嘅基本組成部分。印刷機係能夠響承印物上印刷嘅機械。喺中國,印刷術被稱為中國古代四大發明之一,佢嘅出現對文化知識嘅傳播起咗重要作用。

今日嘅通常採用膠印嘅技術來印刷,有時亦採用凸版印刷(主要用嚟印報紙目錄冊,但比較少有)。

歷史[編輯]

古代印刷術[編輯]

喺中國,係由拓石同埋蓋印兩種方法逐步發展而合成嘅,係經過好長時間,累積好多人嘅經驗而成嘅,係人類智慧嘅結晶。從現存最早文獻同埋最早嘅印刷實物嚟睇,中國雕版印刷術係喺西元7世紀出現嘅,即唐朝初期。

響埃及發掘出來嘅印響紙草紙,羊皮紙上嘅雕版印刷品,時間上至公元900年。

  • 西元7世紀,唐朝初期出現雕版印刷。
  • 宋仁宗慶曆年間(1041-1049),畢昇發明膠泥活字版。
  • 元代科學家王禎(1260-1330)發明木活字版(亦有人支持宋代就有木要活字本,而且提出咗幾種版本加以證明。其中不時俾人提到嘅係被稱為宋本活字本嘅《毛詩》。由於該書嘅《唐風•山有樞》篇內嘅一版中「自」字係橫排,完全可以證明係活字版,但無法證明係宋活字本。
  • 中國關於金屬活字嘅早期記載,喺元代科學家王禎(1260-1330)響《造活字印書法》(1298)中談到:「近世又鑄錫作字,以鐵條貫之,作行,嵌於盔內,界行印書,但上項字樣,難以使墨,率多印壞,所以不能久行。」
  • 元朝已有雙色紅、黑套印嘅書。
  • 明朝時期,出現咗雙色、四色套印嘅印刷品,可以印出多層次嘅彩色印刷品。
  • 德國約翰內斯•古騰堡(1397-1468)發明鉛活字版。
  • 十九世紀初期,改良鉛活字製作技術並傳播至世界各地。
  • 1804年,英人士坦荷(Earl of Stanbope)針對活字版弊,發明泥型鉛版印刷術
  • 1829年,法國人謝羅發明紙型鉛版印刷術
  • 1855年,法國人M.Cillot發明照相銅鋅版印刷技術。進一步發展嘅凸版印刷術
  • 1871年,美國人BB Blackwell改良紙型鉛版印刷術,創用薄鉛版,墊以木底印刷。
  • 1882年,德人縻生白克(Meisendach)發明照相網版印刷術,將照相製版術向前推進一大步。

雕版印刷之起源[編輯]

雕版印刷最早係響中國發明嘅。十九世紀末日本學者島田主張中國響公元6世紀嘅六朝就有雕版印刷,根據係北齊顏之推顏氏家訓》有「書本」一詞;又根據《河汾燕閑錄》中“隋開皇十三年十二月八日敕廢像遺經悉令雕版”一語,認為最遲喺隋朝已經有雕版印刷。但多數學者認為島田根據不足,主張隋朝重未有雕版印刷,雕版印刷起源於唐朝1。文獻根據有:

  • (唐)義淨:《南海寄歸內法傳》:「造泥製底及托模泥像,或印絹紙隨處供養。」
  • (唐)馮贄:《雲仙散錄》:「玄奘以回鋒紙印普賢像施於四眾,每歲五馱無餘。」

最早嘅印刷品紀錄:

  • 張秀民著《中國印刷史》中提出雕版印書始於唐貞觀,主要依據係明史學家邵經邦嘅《弘簡錄》,唐太宗令梓行長孫皇后嘅遺著《女則》大概喺貞觀十年(西元636年)印刷。書中重引唐馮贄《雲仙散錄》:唐玄奘印施普賢菩薩像(約西元645~664年)施送四方為旁證。
  • 開元年間(西元713~714年)雕本《開元雜報》係世界最早嘅報紙。

雕版印刷佛像響唐朝嘅盛行,同佛教有莫大關係,後來印刷嘅範圍擴大到其他經典。

  • (宋)朱益:《猗覺寮雜記》:「雕印文字,唐以前無之,唐末益州始有墨版,後唐方鏤《九經》」。

現存最早嘅印刷品實物有:

  • 1966年韓國慶州佛國寺發現嘅《無垢淨光大陀羅尼經》,刻印於7世紀末中國唐朝武則天時代(據一份「反證資料」顯示,作為世界最古老木板印刷物被載入歷史教科書嘅《無垢淨光大陀羅尼經》並非出自新羅時代(8世紀初~751年前),而係高麗初期(11世紀初)嘅印刷物。隨著1966年響佛國寺釋迦塔2樓舍利函中,同《無垢淨光大陀羅尼經》一齊出土嘅《釋迦塔重修記》最近被解讀,從而證明該佛經係11世紀產物嘅證據浮出水面。因此,日本嘅《百萬塔陀羅尼經》(公元770年)成為最古老木板印刷物嘅可能性變大)。
  • 日本奈良法隆寺《陀羅尼經》,大概770年喺日本印。
  • 敦煌發現嘅《金剛經》,868年印刷,雕工精細,遠勝早先嘅《陀羅尼經》。

中國傳統嘅年畫中至今重保留有木版年畫工藝,例如著名嘅楊柳青年畫

由於雕版印刷製作嘅印版只可以用喺特定嘅印刷品,製版嘅工作量好大、效率低,令早期印刷品非常珍貴。為解決製版嘅問題,後來發明咗活字印刷術,由於組版中嘅活字可以用完再用,令印刷嘅整體效率大大提高。早期嘅活字用膠泥製作,近代就改進為用鉛字。

活字印刷係相傳最早由中國畢昇響1040年代發明嘅。金屬活字印刷亦係響北宋發明嘅。響12至13世紀,有好多阿拉伯文同埋中文嘅圖書館,含有幾萬書印刷嘅書。

金屬活字發明於宋代嘅根據係:

  1. 元代科學家王禎(1260-1330)響《造活字印書法》(1298)中講到:「近世又鑄錫作字,以鐵條貫之,作行,嵌於盔內,界行印書,但上項字樣,難以使墨,率多印壞,所以不能久行。」呢個係中國關於金屬活字嘅早期記載。元初人所講嘅近世係宋代,講明用錫活字印書係響宋代。由非金屬活字到金屬活字,係印刷材料同造字工藝上嘅重大改革。
  2. 清藏書家孫從添(1769-1840)響《藏書紀要》(18l0)中載:「宋刻有銅字刻本、活字本」。明確講明宋代有銅活字本。

印刷嘅傳播[編輯]

中國嘅元代,中國同歐洲嘅交往有好大嘅發展。一係蒙古嘅遠徵,將中國嘅文化帶到西方,一係西方嘅傳教土亦多次來到中國,回國亦帶埋中國嘅印刷技術返去。西元13世紀,意大利人馬可波羅喺中國旅居多年,響佢嘅《遊記》中,敘述咗中國印銀紙嘅情況。佢呢啲介紹,令歐洲人知道中國嘅印刷情況。據講喺呢個時期,亦有人將中國嘅印刷品同埋雕版帶到歐洲。

歐洲同中國一樣,最先出現嘅係雕版印刷,之後出現活字印刷。只係歐洲從雕版印刷過渡到活字印刷嘅時間短啲。

關於中國印刷術傳入歐洲嘅路線,喺眾多著作中講到嘅有三條。一條係歐洲嘅傳教士同埋旅行家直接將中國嘅印刷術帶到歐洲;另一條係經由中亞、西亞、北非,最後傳到歐洲;第三條就係由俄國人傳到歐洲其他國家。

中國嘅印刷術最可能通過穿過絲綢之路維吾爾人傳入中亞,經過阿拉伯世界傳播到歐洲,但有人認為證據唔夠。目前發現嘅世界上最早嘅活字母雕版,係響敦煌發現嘅十四世紀古維吾爾文木活字。

德國美因茲約翰內斯•谷登堡喺1440年發明歐洲嘅印刷技術。根據佢從葡萄酒壓榨機改進嘅機器設計,古登堡開發咗用凸起嘅活字,一開始就用油性墨。不過,研究學者得出不同嘅結論,認為西方嘅活字印刷術係源自中國,漢學家安田樸曾經以「歐洲中心論欺騙行為嘅代表作:所謂古登堡可能係印刷術嘅發明人」為題論證[1]

工業時代印刷術[編輯]

印刷機嘅發明,將印刷技術從手工階段帶到機械階段。

1455年,谷登堡發明鉛活字凸版機械印刷機。

印刷對知識傳播嘅影響[編輯]

印刷機嘅開發令知識傳播出現革命性嘅變化:1469年響威尼斯成立第一間印刷社(即出版社),1500年威尼斯有成417間印刷廠。1476年,William Caxton響英格蘭成立第一間印刷社。1539年,西班牙人Juan Pablos喺墨西哥嘅墨西哥城開印刷社。Stephen Day於1628年響美國麻塞諸塞海灣地區建立北美第一間印刷社,並協助成立劍橋出版社。

信息時代印刷術[編輯]

響電子技術迅速發展嘅過程中,印刷進入咗電子控制同自動化嘅時期,電子排版、電子分色、電子雕版廣泛應用,響印刷質量同效率上都得到大幅提高。電腦嘅應用繼續將印刷帶入數碼印刷時代,令傳統工藝難於完成嘅小品種、多變化印刷得以順利實現。

計算機印刷[編輯]

文件可通過鐳射打印機噴墨打印機或其他電腦打印機。近年,計算機打印同埋工業化印刷工藝融合埋一齊,導致數碼印刷嘅發展。

其他印刷[編輯]

版畫嘅繪製過程亦被稱為印刷,影印亦係印刷嘅一種。

重有好多其他生活有嘅印刷活動。

有關文章[編輯]

方法
人物
其他

參考[編輯]

  1. 中國文化西傳歐洲史》,[法]安田樸著,耿異譯,商務印書館2000年7 月

[編輯]

睇埋[編輯]

出面網頁[編輯]

Wikiquote-logo.png
維基語錄收錄咗同呢篇文相關嘅摘錄: