嘉禾大廈大火

出自維基百科,自由嘅百科全書
跳去: 定向搵嘢
旺角嘉禾大廈發生火警,彌敦道濃煙彌漫。

嘉禾大廈大火(Cornwall Court Fire)係香港2008年8月10號一宗大火,地點喺九龍旺角彌敦道西側嘅嘉禾大廈消防處喺中午12點16分將火警升做五級。大火4死55傷,死者包括兩名殉職嘅消防員[1]。呢宗大火係香港21世紀第一單五級大火,對上一次係1996年嘉利大廈大火

起火[編輯]

大火引來唔少途人圍觀
消防員前去救火

大火源於旺角彌敦道687號嘉禾大廈閣樓,係一間夜總會。喺香港時間2008年8月10號,上晝9點20分突然起火,大量濃煙,沿著大廈裏便樓梯,湧上高層單位,即係產生煙囪效應。加上大廈通道狹窄,內部聚熱難耐,難以救援。

搶救[編輯]

警察消防員喺3分鐘後,即係上晝9點23分到火場。因為接報有十幾名戶住客受困,消防員隨即救援,開出兩條喉同派出一隊煙帽隊入大廈搜索。上晝9點35分,警察將彌敦道太子方向,近亞皆老街全綫封閉。到9點43分,因為多人困於大廈內,消防員將火警升為三級[2];有住客喺窗邊揮舞毛巾求援,消防員升雲梯,將吸入燶煙不適者救出,由救護員送院治理。

上晝10點23分,消防處將火警升咗為四級[3],並將多名傷者分別送去廣華醫院明愛醫院瑪嘉烈醫院同埋伊利沙伯醫院;消防員繼續用雲梯救人,警察呼籲快富街上海街嘅住戶疏散,重要求途人離開附近街道,唔好阻住救援。另一方面,火警中有兩名消防員蕭永方陳兆龍喺大廈12樓發現昏迷,然後由同袍將兩人抬去天台急救

正午12點,署理九龍消防總長劉志豪話救出咗60人,其中18人要送院,當時仍有人致電求救。消防處喺12點派出200名消防員,同埋40架消防車撲救。由於現場溫度好高,撲救困難,消防處喺中午12點16分,將火警升為五級[4]

下晝1點,消防員動用咗三條消防喉,同五隊煙帽隊繼續撲救[5]。消防出動多架救護車,分別將47名傷者送咗去三間醫院治理[5],當中包括之前昏迷嘅兩名消防員,送院證實死亡[6]。一點半,保安局局長李少光消防處處長盧振雄親身到火場視察。截至1點45分,消防員經已救出咗60幾名住客;同時,唔少居民重用毛巾,掩住,等吸少啲濃煙,亦有住戶繼續打電話,或者伸手出窗、搖毛巾等救。

大火下晝3時13分救熄[7],消防員繼續射水降溫,免得死灰復燃。消防處用咗五條消防喉同 10 隊煙帽隊撲救[7],出動二百幾名消防員救火。

火後[編輯]

當晚,警方畀住戶返去單位拎返重要嘢走。之後再封返大廈,住戶暫時唔可以返去[8]。另一方面,幾十名消防員同殉職消防員親屬,喺大廈門口路祭;之後,消防員代表,帶香燭祭品,入災場拜祭殉職同袍[9]。 消防處當日令全港消防局下半旗致哀,而三名受傷消防員已全部出院。另外,消防處職工總會會繼續跟進消防員死後事宜,為兩個死者設立慰問金戶口,同埋發短訊畀員工,希望佢哋收拾心情。消防處,初步知道兩個殉職消防員事發時,用晒身上所有安全裝備,真正死因,有待部門成立專責小組,調查防煙門同其因素[10]

死傷人數[編輯]

大火有兩名消防員殉職,另有兩女死,其一身份未明。而受傷有55人。[1]

殉職
  • 蕭永方,男,46歲,消防隊目,隸屬旺角消防局,服務24年,已婚[11]
  • 陳兆龍,男,25歲,消防隊員,隸屬旺角消防局,入職一年[11]
死者
  • 劉改女,女,77歲;有三成皮膚燒傷,送院後證實死亡[12]
  • 一名姓文女子,39歲,佢喺閣樓吸入濃煙致死再俾烈火燒焦,之後俾消防員發現[12][13]

調查[編輯]

消防處處長盧振雄,喺大火當日下晝3時話發表初步調查,認為火警無任何可疑地方。消防員搶救時,發現夜總會防煙門畀人鎖咗。火警主要發生喺閣樓舞廳,同1字樓卡拉OK,而該處並無防煙門,煙同熱力由缺口漫延至上層。現正研究消防裝置,係咪畀人改過以至失效。消防處會由首長級人員,成立專責小組,調查起火同消防員殉職嘅原因。[12]旺角火警:災場再發現一具燒焦屍體. on.cc. 2008-08-10. 喺2008-08-11搵到;. </ref>。與此同時,政府人員帶同調查工具進入火災現場,相信是調查及鑑證是次起火原因[9]

措施[編輯]

交通
巴士
地鐵
各部門措施

傳媒[編輯]

  • 無綫電視翡翠台在《北京奧運 上午直擊》及《北京奧運 下午直擊》節目上以滾動字幕形式,向外發報有關呢次大火最新消息同交通情況。另外,翡翠台喺節目廣告時段加入《特別新聞報道》,報道有關最新消息。
  • Now新聞台喺正午十二點報導指有兩名消防員殉職[20],當時只有Now公佈相關消息。在下午二點半左右,其他電視台同網上傳媒亦陸續公佈相關消息,但根據呢啲報導。醫院相關部門消息,係兩名消防員送院搶救後,延至下午二點多才宣佈不治。表示Now報導該消息時,該兩名消防員仍在搶救中,因此部份網民質疑Now有發放假消息之疑[21]

類同事件[編輯]

[編輯]

  1. 1.0 1.1 旺角火警現場再發現一具屍體 死亡人數增至4人. 香港電台. 2008-08-10. 喺2008-08-10搵到;. 
  2. Template:Cite press release
  3. Template:Cite press release
  4. Template:Cite press release
  5. 5.0 5.1 5.2 Template:Cite press release
  6. Template:Cite press release
  7. 7.0 7.1 Template:Cite press release
  8. 旺角火警:嘉禾大廈5級火警造成4死55傷. on.cc. 2008-08-10. 喺2008-08-11搵到;. 
  9. 9.0 9.1 旺角火警:數十名消防人員為殉職同袍路祭. on.cc. 2008-08-10. 喺2008-08-11搵到;. 
  10. 旺角火警:全港消防局下半旗致哀. on.cc. 2008-08-11. 喺2008-08-11搵到;. 
  11. 11.0 11.1 旺角嘉禾大廈五級火造成3死57傷. 香港電台. 2008-08-10. 喺2008-08-10搵到;. 
  12. 12.0 12.1 12.2 旺角災難五級火 氧氣分市民 兩消防殉職. 明報. 2008-08-11. 喺2008-08-11搵到;. 
  13. 2008年8月11日,ON.CC即時新聞,旺角火警:39歲姓文女子吸入濃煙致死
  14. 14.0 14.1 14.2 14.3 旺角火警:佐敦匯翔道天星碼頭巴士線停駛. on.cc. 2008-08-10. 喺2008-08-10搵到;. 
  15. 15.0 15.1 Template:Cite press release
  16. Template:Cite press release
  17. Template:Cite press release
  18. Template:Cite press release
  19. 旺角火警:運輸署交通協調中心轉3級運作. on.cc. 2008-08-10. 喺2008-08-10搵到;. 
  20. 嘉禾大厦五級大火 NowTV 中午新聞報導. YouTube. . 喺2008-08-10搵到;. 
  21. NOW放流料. 2008-08-10. 喺2008-08-10搵到;. 

睇埋[編輯]

出面網頁[編輯]

Wikinews-logo.svg
維基新聞度有一單新聞係同呢篇文有關:
之前:
嘉利大廈大火(1996年)
香港五級大火 之後:
最新一宗五級火警