塔斯曼尼亞省

出自維基百科,自由嘅百科全書
跳去: 定向搵嘢
Coat of arms of Tasmania.png
Flag of Tasmania.svg
塔斯曼尼亞省嘅位置

塔斯曼尼亞省(英文:Tasmania)係澳洲唯一嘅島省,原名范德文領(英文:Van Diemen's Land),位於澳大利亞東南面,係一個呈三角形嘅大島,同澳洲本土最南面嘅維多利亞省首府墨爾本隔海相望。塔斯曼尼亞喺六個省之中佔地面積最細,係澳洲自然生態保護得最完善嘅地方,最大城市係首府霍巴特,人口50萬幾(2009年)。

塔斯曼尼亞號稱「天然嘅省」,亦被譽為「蘋果嘅島」,亦有「澳洲版嘅新西蘭」之稱,以秀麗風光同埋樸素人文為特色。作為獨立島嘅地理令當地有較大嘅未開發天然地帶,全省約40%被正式列為國家公園、自然保護區或者世界自然遺產地。

歐洲人發現[編輯]

第一個發現呢個島嘅歐洲人係荷蘭探險家鄧雅品(又叫阿布·塔斯曼),時為1642年11月24日。佢用荷屬東印度總督范德文(又叫安東尼·范·迪門(Anthoonij van Diemen)嘅名去同個島起名。之後,英國人將名簡化做范德文領。1777年,詹姆斯·庫克船長嚟到呢度,同日後嘅歐洲航海家為呢個島加添好多好有歐洲色彩嘅名。

鄧雅品重喺1642年「發現」咗塔斯曼尼亞東南部嘅貝寧島(Bruny Island)。呢個島同塔斯曼尼亞本島之間被德嘉圖海峽(D'Entrecasteaux Channel)同暴風灣(Storm Bay)隔開。1792年法國探險家布魯尼·莊·德嘉圖勘測呢個島並以佢命名,而本來嘅澳洲土著名就係「Alonnah Lunawanna」。

1790年左右,英國人登陸本島;1825年,呢度成為從新南威爾斯州獨立出去嘅殖民地,成立行政同司法部門;1853年之前,范德文地係犯人係流放地,尤其係首府河北同東南嘅亞瑟港,關押成千個犯人;1856年,本島開始實施自治,改名為塔斯曼尼亞;1901年,塔斯曼尼亞加入新成立嘅澳洲聯邦,成為佢其中一個州。

景點[編輯]