小露寶

出自維基百科,自由嘅百科全書
跳去: 定向搵嘢

想搵呢個詞嘅第啲意思,睇下【小露寶 (搞清楚)

小露寶1974年嘅一套日本真人扮演(特撮)兒童電視劇裏面主角香港譯名,亦係套劇嘅片名。呢套嘢嘅日本名係『がんばれ!! ロボコン』,曾於1974年10月4號至到1977年3月25號期間喺日本NET-TV電視台放映,香港粵語配音版就由當年亞洲電視嘅前身---麗的電視播映,全套有成118集,而佢嘅原作者就係石之森章太郎(當時佢嘅名只係就咁叫做石森章太郎)。

背景及主角性格特點[編輯]

劇中嘅主角小露寶係一間機械人學校學生,呢間學校專門訓練啲機械人學生成為人類嘅好朋友,因應每個學生嘅本身設計嘅特點嚟到幫助人類嘅日常生活、建設社會,每次返學嘅時候,鋼鐵老師就會因應學生喺人類社會上所貢獻過嘅事而畀分數,差得好緊要嘅就得最低嘅零雞蛋,而做得好好得到一百分滿分嘅學生重會獎一個心貼紙擺喺個身上,作為可以成為A級機械人嘅模範標誌。小露寶屬於家務機械人嘅種類,俾老師安排喺社羣嘅家庭度幫手做家務,可惜佢係一個好鬼大懵同埋經常擺烏龍嘅機械人,成日一心諗住幫助人類,點知好多時弄巧反拙變成闖禍連連。

佢喺頭一二年班嘅時候寄居喺姓大山屋企入面同大山家嘅人一齊生活,而到咗第三年就寄居喺姓小川嘅屋企。因為佢嘅大懵加上衝動嘅性格,於是成日帶畀寄居家庭同埋週圍嘅人好多麻煩,亦因此佢成日都係得零分,雖然佢有一班好好嘅同學仔,有啲咩事都會出手幫佢,但好多時都改變唔到闖禍嘅結果。

咪以為小露寶係一個機械人就應該咩都冇有怕,其實佢嘅最大敵人,就係細隻過佢好多,但係無處不在嘅曱甴,每次一見到曱甴就嚇到發晒癲完全失控;而第二恐懼正是佢同學仔小吱喳手上面嘅大針筒

身體及機能[編輯]

小露寶全身色,手臂同成對腳係色,好似風琴管咁款,對好似咁;佢頭頂有支小小嘅天線腹打開蓋之後會見到裏面嘅機件,具有一百匹馬力;背後有支可以收得埋嘅直昇機葉,幫佢飛行;而當雙收埋可以換成一對畀佢喺路上飛馳。

其他角色[編輯]

  • 鋼鐵老師:係小露寶嘅老師,負責教導機械人學生同埋畀分數;每次上堂檢討嘅時候會將啲學生日常生活嘅行事紀錄紙放入個度,經過一輪運作之後,就會喺腹嘅位置出口度跌一張分數紙出嚟,為學生所做嘅事而評分。
  • 小賓女:係一個好多時攞一百分嘅高材生,外表同類嘅細路一樣,可愛得嚟又待人友善,而且好鍾意跳芭蕾舞,係小露寶嘅夢中情人,每次小露寶一見到佢就會暈晒大浪做緊乜都唔知。
  • 小百威:重有一個細佬叫小百拳,兩兄弟都係屬於孔武有力嘅機械種類,因此佢哋嘅性格比較暴戾,成日蝦小露寶;不過當小露寶有啲咩大鑊發生時,佢哋又會好有義氣咁出手相助。
  • 小白潔:肚腩度係一個洗衣機,外表係一隻仔咁樣嘅機械人。
  • 小吱喳:一個護士外表,隻係好大支針筒嘅機械人,鍾意小露寶出晒面,成日想同小露寶打針,小露寶見親佢都即刻嚇到掉頭走。
  • 小百通:成粒大花生咁款,個係一支突出嚟嘅鎚仔,講嘢時會上下郁郁吓,係一個裝修工程用機械人。
  • 小百多:成隻大哈蟆咁樣,個係好大好大嘅銀包開口(有兩粒珠扣埋嗰種),跳嘅時候快到好似識得瞬間轉移咁,有舖偷嘢癮。
  • 小百明:一個頭頂好似大燈膽咁款(重可以見到內部機件),對好似對好厚圈圈眼鏡咁嘅天才機械人,好多時會利用佢嘅才智幫小露寶解決日常困難。
  • 其它機械人角色:
    • 小百靈消防車樣嘅機械人;
    • 小百廚色大雞蛋咁款嘅廚師機械人;
    • 小百車:一架有款機械人;

……等等。

主題歌[編輯]

日本版一共六首嘅主題歌同完場歌都係由被譽為日本動畫歌王嘅水木一郎先生所主唱。

香港版嘅「小露寶」粵語主題歌就由女歌手鍾叮噹所唱。因為原裝日本版嘅音樂已經好開心醒神,再配上粵語嘅得意歌詞,令聽到嘅人留下好深嘅印象;而當中幾句:『大踏步神情確威武,小子大名露寶,人人皆知道~(白:小露寶嚟啦!小露寶好嘢!)又大力,又肯做,身手好志超高,朋友,休想睇小我用機器製造。』,基本上已經成為咗香港兒歌界嘅經典之一。


出面網頁[編輯]