柏架山

出自維基百科,自由嘅百科全書
跳去: 定向搵嘢
柏架山。前爲域多厘海口太古城

柏架山(英文Mount Parker),又叫駝峰,係香港,喺香港島東面。佢係島上第二高山,排喺扯旗山後。一八九四年嘅《香港雜記》,叫佢做拍稼山。山高五百卅二米,卽一千七百四十五英尺

因爲個音似畢架,又叫畢架山。不過咁又同九龍另一峰煙墩山,佢別名筆架山撞名。

[編輯]

柏架之名,來自英國海軍司令(Admiral)柏架William Parker[1]。一八四五年,地圖已有英文柏架山名。

地理[編輯]

柏架山北喺港島北岸,是爲鰂魚涌西灣河筲箕灣。望北係域多利海口,遠望見九龍灣同九龍諸峯;望南係大潭水塘,遠望見大潭𡰪水塘大潭灣;望東係柴灣,遠望見大東門同各島;望西係黃泥涌峽,遠望係灣仔扯旗山

柏架山有兩峰,一東北,一西南。東北稍低,高五百一十八米,山頂雷達站,有水泥路通上。西南至高,高五百卅二米,有三角測量柱

[編輯]

一八九二年,山上修建吊車,是爲柏架山吊車。吊車來往柏架山上嘅大風坳鰂魚涌。四十年後,一九三二年,由於少人用而拆。

一九〇三年,柏架山發現新物種,後名紅皮糙果茶Camellia crapnelliana)。

一九四七年一月廿五號菲律賓航空飛機,屬杜格拉斯C-47A-25-DK型號,試降啟德機場失敗。其後,發現飛機殘骸喺柏架山[2]

郊野[編輯]

柏架山大部份地方都劃入大潭郊野公園,受郊野公園條例保護。山上樹林鬱鬱,山勢陡峭,山下市區開發較遲,所以唔似島北其他山咁,滿佈屋宇,失去天然環境。山南有集水之效,水注入大潭水塘同大潭𡰪水塘。

山上有啲本地茶花品種,好似香港茶(學名Camellia hongkongensis)咁。而紅皮糙果茶,亦喺此山首次發現。

交涌[編輯]

柏架山西側有柏架山道環繞,由鰂魚涌駁去大潭𡰪,當中有一支路上山頂雷達站。

[編輯]