海豚

出自維基百科,自由嘅百科全書
跳去: 定向搵嘢
en:Wikipedia:How to read a taxoboxHow to read a taxobox
海豚
化石年代:Miocene早期 - 而家
樽鼻海豚騎船尾浪
物種分類
界 (Regnum): 動物界
門 (Phylum): 脊索動物門
綱 (Classis): 哺乳綱
目 (ordo): 鯨目
亞目 (Subordo): 齒鯨亞目
科 (familia): Delphinidae and Platanistoidea
Gray, 1821
Genera

睇分類

海豚Dolphin)係鯨目之中,齒鯨亞目海洋哺乳動物。華南水上人就叫佢哋做烏忌白忌。通常生活喺度,亦都有生活喺江度(好似中國嘅白鰭豚)。

海豚英文 dolphin呢個字係由古希臘文嘅δελφίς 而嚟(delphis,意思係「有子宮嘅」),即係「有子宮嘅魚」。由於中文嘅「海豚」呢個詞有個海字,變咗好似只係包含海棲海豚。但係喺科學上,「海豚超科」包括唔係海棲嘅海豚,海洋海豚科(Delphinidae)先至係指海棲嘅海豚。海豚科係齒鯨亞目中種類最多嘅一科,佢哋喺約莫10億年前嘅第三紀中新世就開始進化到而家啦。

海豚種類繁多,而家世界上有17個屬,約40種海豚。佢哋體型都差得幾遠,由最細嘅 Maui's Dolphin(1.2米)至最大,有成10米嘅殺人鯨都有。而大部份種類海豚重量通常介乎50到200公斤之間。佢哋嘅蹤跡遍及全世界,成日喺較淺嘅海域及大陸嘅沙洲附近發現。海豚係食肉嘅,佢哋主要食同埋墨魚

智商[編輯]

海洋海豚科動物智商好高,成年海豚可以高過三歲大嘅人類。所以俾人捉去做表演,甚至用喺軍事用途。

構造[編輯]

同其他鯨魚比較,海豚有一個長嘴,頭頂又有可以發出超聲波嘅器官,其他鯨就冇(除咗 Ziphiidae 科之外)。一般嚟講,海豚有三個。佢哋用超音波嚟傳遞信息,重有大腦好發達,有兩個半球可以輪流休息,所以話海豚係可以唔使瞓覺嘅。

海豚嘅傳說[編輯]

同海豚有關嘅傳說好多,有啲亦都係真嘅。例如,希臘歷史學家羅圖斯圖喺《亞里翁傳奇》呢本書度寫咗一個不可思議嘅故仔:亞里翁係生活喺公元前六世紀列斯堡島一個出名嘅抒情詩人同音樂家,有一次喺意大利巡迴表演後,拎住好多錢搭船返科林敦,途中班水手見錢開眼諗住謀財害命。當時亞里翁求班水手畀佢再唱一首歌,啲水手應承咗。點知,佢嘅歌聲竟然引嚟一大班海豚。佢俾班水手掟咗落海之後,其中一隻就將佢孭到岸邊。除咗呢個故仔之外,海豚救人嘅事件成日都有發生,好似1949年出版嘅《自然史》雜誌,就登咗美國佛羅里達州一個律師嘅老婆俾海水浸親暈咗,附近嘅一隻海豚見到,就將個女人推咗上沙灘嘅事。

根據漁民嘅傳說,如果海豚喺岸邊游,嗰日雖然會風平浪靜,但係過兩日就吹起狂風,海面重好大浪,啲漁民就出唔到海。漁民覺得見到海豚唔老黎,所以會捉好多海豚重殺埋佢哋,結果令海豚數量少咗好多。

分類[編輯]

太平洋白腹海豚
黑白海豚
Dusky Dolphin
殺人鯨,又叫做虎鯨
亞馬遜河海豚

保育現狀[編輯]

香港,所有海豚都受到法例保護。中華白海豚係唯一原居於香港水域嘅海豚品種。另外一種香港嘅名叫江豚,係鼠海豚嘅一種。