砵仔糕

出自維基百科,自由嘅百科全書
跳去: 定向搵嘢
白色嘅砵仔糕,用鋁箔容器裝

砵仔糕係種傳統廣東小食糕點,亦係香港成日見嘅街頭小食。源自廣東台山,喺大清咸豐年間嘅台山縣誌已有記載。

傳統嘅砵仔糕以米粉等造成後,放喺一個瓦製嘅細裏面熟;但而家嘅製法已多數改用細瓷。食嗰時先將砵仔糕喺細砵倒出來,用竹籤拮起來食。有嘅砵仔糕加入紅豆;亦有砵仔糕改用白砂糖整,因而係白色嘅。啱啱蒸好嘅砵仔糕,暖、滑、香、爽。

砵仔糕喺1980年代得一、兩種嘅口味。但到咗今日,砵仔糕嘅口味增加咗好多種。以前嘅砵仔糕通常都係用黃糖整嘅,但而家有啲係用砂糖,有啲係用冰糖,重有啲係用蔗糖整嘅,呢啲都適合唔同人嘅口味。呢啲口味唔止有創意,而且重好健康。

喺老廣州西關亦有得賣,一般一細半碗算單位,每個晶瑩剔透,咬落去口感彈牙,裏面重有細堆嘅口味嘅餡料,多種多樣,好似綠豆紅豆朱古力菠蘿椰子香橙芒果馬蹄西米香芋等。

陽春缽仔糕[編輯]

陽春嘅「缽仔糕」係有嘅食法,當地人都非常鍾意呢種嘢食,陽春缽仔糕原始做法係通過研磨米漿再用嘅方法製作而成,蒸熟後可以添加蒜油醬油調味,後期通過改良添加咗芋同芝麻令到缽仔糕風味更為突出。缽仔糕一般都係用一個細缽仔裝住,食嘅時候用竹簽劃開方格狀。

睇埋[編輯]

出面網頁[編輯]