老婆餅

出自維基百科,自由嘅百科全書
跳去: 定向搵嘢
老婆餅係廣東傳統食品
香港一間餅店賣嘅老婆餅

老婆餅又叫冬蓉酥,係一款發源於廣東嘅傳統餅食,喺香港臺灣同中國大陸都可以搵到。老婆餅係圓形嘅,表面係一層酥皮,裏面嘅餡係冬瓜茸。

起源傳說[編輯]

  1. 古時一對窮苦夫婦,老婆將冬瓜整成茸做餡整成圓形嘅餅,跟住老公拎去街市度賣,大受歡迎。老公就叫呢種餅做「老婆餅」。
  2. 從前,有個老婆嘅親家有病不過冇錢醫病,自願賣身做奴;深愛老婆嘅老公為咗贖返老婆,努力研發咗一種美味可口嘅餅,而且靠住賣餅嘅錢將老婆贖返來;於是,後來嘅人就將呢種餅叫做老婆餅。
  3. 廣州蓮香樓首創,早年蓮香樓請咗一位來自潮州點心師傅,佢將老婆喺家鄉自製嘅冬瓜餅帶畀酒樓其他師傅去試,其他師傅覺得好食,於是蓮香樓就將佢改良之後推出;由於呢個係潮州師傅嘅老婆製作,就將佢改名做「老婆餅」。