謝安琪

出自維基百科,自由嘅百科全書
跳去: 定向搵嘢
謝安琪
KayTse 872.jpg
藝人
羅馬拼音 Tse On Kei
英文名 Kay Tse
花名 阿Kay,KK,kay媽
生日 1977年3月13號(37歲)
生地 香港 香港
國籍 香港 香港
活躍年代 2005年到而家
唱片公司

星煥國際(2012到2013年)
新藝寶唱片(2006到2012年)
Avex Asia(2005到2006年)

台灣:
金牌大風(2013年到而家)
經紀公司 Ban Ban Music(2005年到而家)
合作成員
前任合作成員

謝安琪粵讀ze6 on1 kei4英文Kay, Tse On Kei1977年3月13號—)係香港歌手演員,2005年1月5號出道,而家係環球唱片附屬公司新藝寶唱片旗下歌手。

謝安琪攞過「2008年度四台聯頒音樂大獎-傳媒大獎(歌手獎)」,成為四大電子傳媒音樂頒獎典禮嘅大贏家,又響2008至2010年度《叱咤樂壇流行榜頒獎典禮》連續三屆攞到「叱咤樂壇女歌手(銀獎)」、響《2008年度叱咤樂壇流行榜頒獎典禮》得到「叱吒樂壇我最喜愛的女歌手」、喺第三十一至三十三屆《十大中文金曲頒獎音樂會》連續三屆獲得「優秀流行歌手大獎」同「十大中文金曲獎」,喺《新城勁爆頒獎禮》2008同2009連續兩屆奪得「新城勁爆女歌手」同埋「新城勁爆我最欣賞女歌手」,重喺《新城勁爆頒獎禮2010》奪得「新城勁爆亞洲歌手大獎」,奠定佢樂壇嘅地位;另外謝安琪憑歌曲《囍帖街》得到《新城勁爆頒獎禮2008》「新城勁爆年度歌曲大獎」同埋「新城勁爆我最欣賞歌曲」、《2008年度叱咤樂壇流行榜頒獎典禮》「叱咤樂壇至尊歌曲大獎」「叱咤樂壇我最喜愛的歌曲大獎」、《2008年度十大勁歌金曲頒獎典禮》「十大勁歌金曲金獎」、《第三十一屆十大中文金曲頒獎音樂會》「全球華人至尊金曲獎」「2008年度四台聯頒音樂大獎-歌曲大獎」七個年度嘅歌曲獎。謝安琪係2010年更被選為香港十大傑出青年

2011年,俾人訪問時講到傳媒風氣,形容觀眾係細路,重斷言「如果你自己生咗個細路仔出嚟,佢話好鍾意食屎喎,你係咪畀屎佢食?」。言論一出俾各界批評,謝安琪回應時堅持話被歪曲報導,同佢原意唔一樣。

2012年,搞《謝安琪你們的幸福演唱會2012》。演唱會前,喺高登討論區中有網民出言詆毀謝安琪,詛咒佢演唱會滯銷。之後反而帶起演唱會銷情,謝安琪出席活動時都公開多謝個網民幫佢演唱會造勢宣傳。演唱會舉辦期間傳話謝安琪經理人夏森美環球唱片不和,環球有意喺演唱會後同謝安琪提前3年解約。環球決定唔派旗下藝人出席謝安琪演唱會,資源亦投放唔多,逼使謝安琪喺尾場有感而發,喊住指控近幾年俾人孤立,重遇上好多風浪,不過點都唔會整得死佢。

謝安琪被傳同老公張繼聰齊齊過檔BMA,同時黃柏高加盟星娛樂後都有意向謝安琪挖角。