林曉培

出自維基百科,自由嘅百科全書
跳去: 定向搵嘢
林曉培
藝人
花名 Shino
生日 1973年12月9號(41歲)
國籍 中華民國台灣
職業 歌手
活躍年代 1998年至今
唱片公司 友善的狗AVEX
網站 goshino
合作成員
前任合作成員


林曉培1973年12月9號—)祖籍廣東,喺中華民國台灣省屏東縣出世。而家喺台灣做緊歌手

簡歷[編輯]

林曉培未出道之前,曾經響1990年1994年日本名古屋一間溫泉酒店唱歌。返台灣後,又響各地嘅Pub度唱。

1998年渠出咗第一張影集:《Shino 林曉培》(Shino係佢喺日本時改嘅藝名),並憑住嗰首單曲《煩》喺歌壇度紅咗起身。渠擔任電腦遊戲純愛手札》(原名:ときめき メモリアル,響中國大陸同埋香港譯名:《心跳回憶》)中文版嘅代言人。當時有鬼死咁多啲負面傳聞困擾住渠,最緊要係有人篤爆渠曾經響酒店度「搵過食」,事後渠都開記者會坦承咗以前確有「呢單嘢」。

喺林曉培幼年時渠阿爸阿媽就離咗婚。2004年,渠嘗試同響中國大陸工作嘅老竇有返聯絡,渠老爺子送咗架20年嘅舊車別克Buick)畀渠;冇幾耐渠因此同老母反面,僵到連門戶都分埋。林曉培嘅老友記表示,喺渠最紅嗰陣時,經理人話係送渠房車同埋,其實都僅僅係落咗訂金;喺渠唱片銷量漲到40萬張嗰陣,畀人炒高個價賣咗去AVEX度,事前又冇徵求到渠本人嘅同意。之後,林曉培嘅唱片銷量就開始下跌,雖然呢幾年渠努力賺返,但係阿媽投資又宣告失利,搞到心內幾大都唔平衡。[1]

近年林曉培因為患咗抑鬱症,連續三年都冇出唱片,預定響2007年下半年出新專輯。[2]點知佢喺2007年6月6號飲多咗酒車死人,演藝生涯被迫中斷。同年8月受洗,成為基督徒。

2008年5月25號,佢應Soler邀請,一齊喺台北國際會議中心舉辦《Shino & Soler無限大演唱會》,並喺2008年6月12號推出全新國語大碟《第壹章》。 2008年11月15號,Shino再度舉辦小型公益演唱會《Pure Love HOPE Shino的厚譜 為孩子而唱》。

喺醉酒揸車事件同事業低潮之後,林曉培喺2008年「重生年」,除咗力圖振作並推出全新國語大碟《第壹章》外,更接二連三陸續舉辦小型演唱會,更不時參與公益演出及部分酬勞捐款。

之後,林曉培更開始嘗試戲劇演出,例如:電影《海角七號》(配角)以及舞台劇《阿姨》(主角)。

而2009年,林曉培又傳出合約被非法變賣,處於無主狀態下嘅林曉培,仍然冇放棄音樂嘅理想,積極籌劃《Shino和她的歌兒們》專輯。《Shino和她的歌兒們》係一張獨立製作嘅唱片,將翻唱收錄一啲LIVE作品,但林曉培必須要先爭取到1500張歌迷認購,至可以製作發行呢隻唱片。《Shino和她的歌兒們》發行前,林曉培更舉辦歌迷文字徵稿活動。《Shino和她的歌兒們》LIVE作品專輯已於2010年1月20號發行上市。

2010年8月20日林曉培喺香港搞「林曉培濃妝搖滾音樂會」,請到李卓庭做嘉賓,音樂會以濃妝做主題,並會在音樂會舞台上換衫、轉化妝同埋髮型等,演唱多首名曲:心動、娃娃愛天下、她的眼淚、又不是非要你的愛等。

酒後車死人[編輯]

2007年6月6號朝早,林曉培同朋友喺Pub飲完酒之後揸車返屋企,當時係朝早5點幾,啱啱落咗場大雨,佢又飲咗酒,架車行到台北市松山區南京東路五段同埋東興路口(近台北捷運松山線南京三民車站)嗰陣,車到個踩電單車護士林淑娟,林姑娘啱啱響宏恩醫院收咗工返緊屋企,俾車撞低連送院急救都嚟唔切,收尾傷重死響國軍松山醫院度。聽人講,呢嗰護士同林曉培重係街坊,住埋喺臺北市內湖區行善路59巷度。事後林曉培個血裏面就被錄到酒精含量有1.1毫克咁高。

台灣道路交通管理處罰條例規定,響街度車死人必須罰款新台幣6萬蚊以下,而且即刻收咗駕駛執照無得再考返。警察拉咗佢,偵訊之後,上法庭控告佢妨害公共安全同埋過失致死罪,因為佢嘅血液酒精濃度過咗0.55毫克,警方係事必要依法向佢落控嘅,到晚頭黑林曉培交保10萬蚊之後先至放咗佢[3]

台北地方法院喺2007年12月3號宣判,由於林曉培同死者家屬達成800萬和解,法官就林曉培酒駕違反公共危險罪嘅部分,判處拘役50日,過失致死部分判處徒刑6個月,緩刑兩年。

出過啲唱片[編輯]

  • 1998 《Shino 林曉培》
  • 1999 《She Knows》
  • 1999 《Love Song For You》(EP)
  • 2000 《This is Shino》
  • 2001 《有你的快樂》(EP)
  • 2001 《Shino For》
  • 2003 《不知好歹》(唔分好壞)
  • 2003 《Shino 1St Best》
  • 2008 《第壹章》
  • 2010 《五與倫比》

資料參照[編輯]

  1. 〈Shino暴紅嗰陣,冇得到應有嘅報酬〉,2007年6月12號,蘋果日報 (台灣)
  2. 走出憂鬱症,林曉培開唱又落淚
  3. 藝人林曉培飲酒車死街坊女護士. 

出面網頁[編輯]