黃曆

出自維基百科,自由嘅百科全書
跳去: 定向搵嘢

黃曆又叫做皇曆,係一隻陰陽曆。黃曆其實係來自天文觀察,佢係參考咗太陽(日)同太陰(月)嘅運行周期而製訂。黃曆源於中國,並而傳到日本韓國越南東亞各國。雖則家下呢啲地方都改用西方傳入嘅公曆(西曆),但係好多傳統節日都會參考返黃曆定日子。民間星相都會用得到黃曆。黃曆嘅太致同月嘅盈虧一致,因為咁,有時就畀人叫陰曆,不過曆學上陰曆另有所指。自大唐起,黃曆係皇帝頒佈,所以叫皇曆。亦有人叫佢做夏曆,因為佢同夏朝都定寅月正月,不過,夏朝嘅曆法同家下好唔同,唔可以混淆。響中華人民共和國成立之後,配合意識形態,所以叫佢做農曆[1]

基本定義[編輯]

黃曆基於日月周期。月方面,一個月係基於太陰盈虧周期,約莫29.3日。黃曆係計月虧到消失做新月,即係朔。朔同朔正中間滿月,就係望。而一年有幾多個月,就靠太陽運行而定。黃曆寫太陽有兩種周期,一叫做歲,即係望上天,太陽運行到同一位置嘅周期。通常用冬至同夏至立竿度日影而定。冬至日影最長,夏至日影最短。不過通常都係用冬至到冬至之間嘅時間做一歲。而年呢,就係正月初一到下一個正月初一嘅時間。因為要就埋太陰周期,呢個時間長短係唔定嘅。

[編輯]

根據史記,係一套曆法係軒轅黃帝頒嘅,之後顓頊、帝都修訂過。

黃曆源於先民天文觀察。古代生活係靠天而定,天體運行會對地上面嘅動植係有影響,尤其係日同月。中國現存最早嘅文字甲骨文,就成日見到記低天象異動。詩經亦有唔少記載。呢啲紀錄就講明商、周時期極之重視曆法計算,同今時今日,黃曆以日月定時嘅特性一致。雖則原則係一樣,但係唔同時代同地方都會有計算方差異。

官方唔同年代都會修訂曆法,等佢可以更加準確,同天象吻合。古代對日食月食好敏感,因為大家都睇成係凶兆,要多加留意。皇帝都會要求準確預測日食月食嘅時刻,萬一曆法唔準,就會改曆。自大唐起,官方禁止其民間用其他曆法。

民間有時會有私下用另套曆法,同官方唔同。唔用官方曆,有時係因為占卜嘅需要。

干支[編輯]

內文: 干支

黃曆唔係單純一套方法紀日,重有用一套六十為一個循環嘅干支來紀日。之後干支重用來紀月同紀年。

[編輯]

  1. 生活中的黨文化.