王國興

王國興，MH（WONG Kwok-hing；1949年3月29號—）係香港政治人，現任香港立法會議員、東區區議會副主席、民建聯創黨黨員。

簡歷

王國興喺越南海防出世，生於五十年代一個貧苦家庭，所以佢標榜自己對基層勞苦大眾困境深有感受。小學時，佢入讀旺角勞工子弟學校。中學畢業後，佢投身左派工會工作，先後響洋務工會同牛奶飲品食品工會任職，參與工運三十年來。同時王國興喜愛投稿詩作及散文，佢響2003年香港區議會選舉時，以職業詩人同專欄作家自居。

政途

佢響1991年嘅區議會選舉，當選北角北區議員，重響1994年，響和富選區成功連任直到現在。1995年，佢當選市政局議員，並任市政局公眾衛生委員會副主席。佢響1995年參選立法局批發及零售界功能組別同1996年參選臨時立法會但都輸咗。

本來，香港親建制陣營有意響2000年香港立法會選舉中，響新界西選區推出一支由民建聯成員為主力譚耀宗排頭嘅名單（譚同時身為工聯會副理事長），另一張名單就由工聯會成員作為主力並以王國興為首(王國興當時跨區出任工聯會新界南服務中心主任)，想喺民主派票倉葵青同荃灣區開拓票源，但畀盤據元朗，以鄧兆棠為首嘅鄉事勢力反對。最後，譚耀宗同鄉事勢力合作，同鄧兆棠合組名單，雙雙進入立法會。

2004年，王被工聯會提名出選立法會勞工界別，終於當選立法會議員。為強調勞工界別立法會議員身份，佢漸漸淡出民建聯政黨活動，並且冇連任民建聯中央委員。

佢依家係工聯會新界辦事處主任、工聯會社會政策委員會副主任，著力於新界西嘅地方經營。坊間估計，佢有意於2008年出選立法會新界西議席。

2007年區議會選舉中，佢唔再響東區區議會和富選區競逐連任，並且已遷出該區。

2000年至2005年，佢做過酒牌局成員。

出面網頁

• 立法會議員簡介
• 王國興的雅虎網誌《阿王手記》