葵青區

出自維基百科,自由嘅百科全書
(由葵青跳轉過嚟)
區內分界

葵青區香港地方行政區,裏面主要咨詢機構係葵青區議會,選舉代號係S,有28個分區。個區分成兩部份,葵涌青衣,兩個部份都響新界。立法會選舉屬新界西。2006年為止,人口有52萬3300[1],佔香港人口百分之7.6,十八區排第四。葵青區人口密度係每平方千米有2萬2421人,係新界各區之中最高,遠超新界平均數3748人。

葵青區同新界其他區唔同,唔係新界理民府分區走出來。1985年之前,葵涌同青衣都係歸荃灣區,之不過因為荃灣新市鎮發展,遠超一區之力,就響1985年4月1號將葵涌同青衣拆出來,另立葵涌及青衣區,同時亦選出相應嘅區議會。到咗1988年,就簡短啲,改叫葵青區

區裏面世界知名嘅嘢有貨櫃碼頭青馬大橋等建築。而百分之七十五嘅人都係住公屋

行政[編輯]

葵青區雖然係地方行政區,然而唔少政府部門會因應性質,各有各分法,所以葵青區只係選舉同民政事務處嘅分界。葵青區未大力發展之前,已經有唔少鄉落,葵涌嘅村係歸埋荃灣鄉事委員會,而青衣島係歸青衣鄉事委員會。葵青區嘅當然議員,但原居民代表,只有青衣鄉事委員會主席,因為荃灣鄉事委員會已經響荃灣區議會有當然議員。

分區[編輯]

葵青區人口密集,2007年選舉分區有28個,順編號落。葵涌嘅由S01到S17,十七分區分別係葵興、葵盛東邨、上大窩口、下大窩口、葵涌邨、石蔭、安蔭、新石籬、石籬、大白田、葵芳、麗瑤、荔華、祖堯、興芳、荔景同葵盛西邨。青衣嘅由S18到S28,十一區分別係安灝、偉盈、青衣邨、翠怡、長青、長康、盛康、青衣南、長亨、青發同埋長安[2]

2007年區議會選舉,香港政府將葵青區南邊,荔華區嘅盈暉台地段劃歸深水埗區

地理[編輯]

葵青區響新界中南部,地近九龍,南便隔住維多利亞港對住香港島。北便同西便係荃灣區、東便係沙田區、東南便係深水埗區。西南海界接離島區,東南海界接油尖旺區中西區藍巴勒海峽將個區分成兩部份,東便係葵涌,響新界大陸上便,西便係青衣島,同大陸分開。葵青區因為係荃灣區分拆出來,係荃灣新市鎮一部份,所以區內冇核心地帶,比較似樣嘅聚腳點,葵涌一便係港鐵葵芳站一帶,青衣則係港鐵青衣站一帶。

交通[編輯]

[編輯]

  1. (PDF). 原著 (PDF)喺2017年7月22號歸檔. 喺2008年5月30號搵到.
  2. 議會選區分界圖 - 葵青區 (PDF).

參攷[編輯]