甲種射綫（alpha ray），又寫α射綫，係射綫一種，由核子放射出來。佢本質係氦四核子，係粒子一種，所以又叫甲種粒子（英文alpha particle）或者α粒子。α係希臘字母之首，讀似坳化，拉丁拼寫alpha。
氦四核子有質子兩粒，中子兩粒，原子質爲四。由於質子帶正電，所以電荷爲正二。由於佢帶正電，喺射綫喺磁場之中，會偏轉一方。因佢帶電荷，會令物質電離。因爲咁，若果或吸或食射綫源入體內，射綫會破壞細胞。幸而喺體外，氦四核大重，容易阻截，紙一張就擋到，而層皮都擋佢入體內。
