乙種射綫

出自維基百科,自由嘅百科全書
跳去: 定向搵嘢

乙種射綫(beta ray),又寫β射綫,係射綫一種,由核子放射出來,以高速橫行,達光速九成。佢本質係電子,係粒子一種,所以又叫乙種粒子(英文beta particle)或者β粒子β希臘字母第二,讀似卑他,拉丁拼寫beta。常見乙種射綫嘅電子,係負電子,但亦有指反電子,旣係正電子,視爲反乙種射綫。

由於電子帶負電,所以電荷爲負一。由於佢帶負電,喺射綫喺磁場之中,會偏轉一方。若係反電子,性質一樣,不過偏轉方向相反,亦會同正電碰撞,湮沒成光,卽放丙種射綫。

因乙種射綫帶電荷,會令物質電離。因爲咁,射綫會破壞細胞,以至破壞遺傳基因,引致突變。乙種射綫用鋁紙,或係平日講嘅錫紙一張就擋到。

乙種射係核衰變所生,中子轉成質子,放出高速電子同電子反中微子。反乙種射綫,則相反,由質子轉爲中子,放出正電子同電子中微子

睇埋[編輯]