唐代三夷教

祆教創始人瑣羅亞斯德像

唐朝景教耶穌像

元朝《冥王聖幀》入面嘅摩尼像

唐代三夷教係指喺大唐時興盛嘅三種西方（西域）宗教。

概述

• 祆教：即瑣羅亞斯德教，亦名火祆教、拜火教（蔑稱），曾係阿契美尼德帝國、安息帝國同薩珊帝國嘅國教，盛極一時。呢隻宗教喺魏晉南北朝初期（公元3至4世紀）透過絲綢之路傳入中國，喺隋唐時代畀叫做祆教。
• 景教：即基督教嘅東方教會，歷來畀誤稱做聶思托里派教會（Nestorian Church）。喺唐太宗貞觀九年（公元635年）傳入中國，因當時東方教會嘅大本營喺波斯薩珊帝國，所以畀人叫做「波斯經教」、「大秦教」，最終定名景教。
• 摩尼教：發源自波斯薩珊帝國嘅一種諾斯替宗教，亦係一種綜攝宗教，喺公元3世紀創立，創始人係摩尼。武則天延載元年（公元694年），呢隻宗教傳入中土，宋朝以後畀叫做明教。