摩尼教
摩尼教係發源自公元3世紀波斯嘅宗教，混合祆教、基督教同佛教。呢隻宗教傳入中土嗰陣叫明教，並同祆教、景教合稱「唐代三夷教」。
中國嘅摩尼教
[編輯]宋代
[編輯]喺北宋嘅時候，江南一帶流行「喫菜事魔」，本嚟係摩尼教宗教信仰，方臘嘅農民起事爆發之後，引起朝廷嘅關注。當時翰林院嘅王居正曾經上書講過：「伏見兩浙州縣有喫菜事魔之俗，方臘以前，法禁尚寬，而事魔之俗猶未至於甚熾；方臘之後，法禁愈嚴，而事魔之俗愈不可勝……臣聞事魔者，每鄉或村有一二桀黠，謂之魔頭。」
南宋洪邁撰寫嘅筆記體志怪小說集《夷堅志》講過「喫菜事魔，三山尤熾。爲首者紫帽寬衫，婦人黑冠白服，稱爲明教會。所事佛衣白，引經中所謂『白佛言，世尊』。」
根據《雞肋篇》嘅記載，「事魔食菜」係一種犯罪行為：「事魔食菜，法禁甚嚴，有犯者，家人雖不知情，亦流於遠方。以財產半給告人，余皆沒官……睦州方臘之亂，其徒處處相煽而起。」
