三角洲

尼羅河三角洲，江水注入地中海，三角扇之綠，沙漠黃沙之中，份外顯眼。

三角洲，英文River Delta，地理講江涌之口，注入湖海之類前，久而久之，積沙成沙坦，卽係洲。江涌上游中游，會帶沙泥到下游，下游時水流唔再急，沙泥沉低落來，積沙成洲。洲切開水流，周圍都係水道，或聚或分，水脈滿佈交錯。水流之故，洲分佈做扇形，好似扇咁分散出去，有如三角。廣東話三角洲，正正取自歐洲文獻中嘅Delta，指希臘字母Δ，就係講似三角形。唔係所有三角洲都正三角形，要視乎地形，海水流向。而江水積成大平原，中間亦會改道，入海口會唔同。